بعد وفاته المفاجئة.. موعد ومكان جنازة الفنان بهاء الخطيب

بعد أيام قليلة من وفاة مدير التصوير تيمور تيمور، خيم الحزن مرة أخرى على الوسط الفني، بعد إعلان وفاة الفنان الشاب بهاء الخطيب في أثناء لعبه الكرة مع بعض أصدقائه؟

موعد ومكان جنازة الفنان بهاء الخطيب

تُشيَّع جنازة الفنان الشاب بهاء الخطيب، اليوم الأحد، في تمام الساعة العاشرة صباحًا، من مسجد خاتم المرسلين بقرية ميت رهينة التابعة لمركز البدرشين بمحافظة الجيزة، فيما تقام مراسم العزاء على المقابر مباشرة بعد صلاة الجنازة.

تفاصيل وفاة بهاء الخطيب المفاجئة

رحل بهاء الخطيب عن عمر يناهز 41 عامًا، بعد سقوطه خلال مشاركته في مباراة كرة قدم مع أصدقائه، ورغم نقله سريعًا إلى أحد المستشفيات لمحاولة إنقاذه، إلا أن القدر كان أسرع، وفاضت روحه وسط حالة من الصدمة بين أصدقائه وجمهوره.

حسام داغر ينعى بهاء الخطيب

خيم الحزن على الوسط الفني، ونعى عدد كبير من النجوم رحيل بهاء الخطيب، كان أبرزهم الفنان حسام داغر، الذي كتب على حسابه:

"ده لسه متكلمين إنك تيجي تقعد معايا كام يوم في إسكندرية.. وقلت لك هتحب قعدة بلكونتي على البحر على طول ورجعت أقول لك خلينا في الشتا هيبقى أحلى.. الجو دلوقتي صيف وحر..  خلاص لا بقى في شتا ولا صيف ولا حاجة.. الناس بتمشي فجأة إزاي كده؟ لا حول ولا قوة الا بالله.. دموعي منشفتش من يوم تيمور وقلبي لسه موجوع تقوم تمشي فجأه إنت؟".

وأضاف داغر: "يعني إيه وقع وهو بيلعب كورة مات؟ أنا عقلي هيجرى له حاجة.. الثبات والعقل والصبر من عندك يا رب.. بهاء الجميل المحترم الطيب أعرفه من وهو في مسرح الجامعة وقبل المعهد.. وبرضه كبر قدامي وكان ناجح في كل حاجة حتى مجاله وشغله الأساسي جنب التمثيل.. لو أعرف إنك هتمشي فجأة كنت قابلتك ومفضلناش نأجلها.. ليه يا ربي الطيبين المحترمين بيمشوا فجأة؟ لا حول ولا قوة الا بالله.. الصبر من عندك يا رب".

رسالة مؤثرة من محمود عزازي عن بهاء الخطيب

كتب الفنان محمود عزازي كلمات حزينة عبر حساباته، أظهرت عمق علاقته بالفنان الراحل بهاء الخطيب.

وجاءت رسالة عزازي: "حزن وصدمة وألم وحسرة.. أطيب وأنبل خلق الله.. ماحدش بيمشي منها ناقص عمر.. لكن ممكن تمشي منها ناقص حلم.. عوض ربنا في الجنة بإذن الله يا بهاء يا طيب".

وأضاف عزازي في منشور آخر: "كان حزين إنه بيحاول وبيعافر سنين ومش واخد فرص حقيقية..كان نفسه يوصل للناس وكان يستاهل والله.. النهاردة الصفحات والجرايد والناس كلها بتتكلم عنه بس هو مش هنا! طلع بجد أن الإنسان ممكن يمشي منها ناقص حلم.. أنا هفتقدك قوي يا بهاء! يا رب عوضه عن أحلامه اللي ما اتحققتش.. أرجوكم ادعوا له".