شوبير: دوري ممل وعاوز يخرج من مطبخ حلو.. 270 دقيقة علشان هدف واحد

أحمد شوبير

مصطفى عبدالمنعم

A . .A

أعرب الإعلامي أحمد شوبير عن استيائه من الشكل الحالي للدوري المصري الممتاز، منتقدًا عدد الفرق المشاركة وتراجع المستوى التنافسي، خاصة من حيث قلة الأهداف في المباريات.

شوبير ينتقد نظام الدوري المصري

وقال شوبير خلال برنامجه الإذاعي على أون سبورت إف إم: "عمري ما شوفت دوري بـ19 أو 21 أو 23 فريقًا، وده بيحصل بس عندنا، وطول ما مفيش إطار واضح ومنظم، مش هنقدر ننجح، ومش هيطلع منتج جيد، لأن المنتج الكروي الجيد لازم يخرج من مطبخ منظم".

وأضاف: “كان فيه اتجاه سابق لتثبيت عدد الأندية عند 18 أو حتى تقليله إلى 16، لكن فجأة لقينا الدوري بـ21 فريقًا بعد إلغاء الهبوط الموسم الماضي”.

وزاد: "المفروض الموسم الجاي يقلوا لـ20 فريقًا، واللي بعده يرجعوا لـ18، لكن ده نظام غير مستقر ومش مقنع، وأنا شخصيًا مشوفتش حاجة زيه في أي دوري".

شوبير: يعني إيه اتفرج على 270 دقيقة علشان هدف واحد؟

وانتقد شوبير الأداء الهجومي الضعيف في الدوري، قائلًا: "في 3 مباريات اتلعبوا يوم الأحد، شوفنا هدف وحيد لمحمد عمار لاعب الإسماعيلي، والدراويش حققوا أول فوز ليهم، لكن هل من الطبيعي أتفرج 270 دقيقة علشان أشوف هدف واحد؟".

وتابع: "الجماهير عايزة تستمتع، عايزة أهداف وحماس، شوف أمريكا، الناس بتحب السلة والبيسبول علشان المتعة والندية، كل ثانية هناك فارقة، والمباريات دايمًا فيها تشويق، لكن عندنا المباريات بتمر ببطء وملل، وده بيأثر على صورة الدوري".

واختتم شوبير حديثه بالتأكيد على أن الحصيلة التهديفية للدوري غير مرضية، قائلًا: "بعد كل المباريات اللي اتلعبت، عدد الأهداف حوالي 51 فقط، وده رقم ضعيف جدًا بالنسبة لمسابقة بحجم الدوري الممتاز".

الدوري المصري اتحاد الكرة أحمد شوبير رابطة الأندية