أمير عيد ينتقد هوس الأكثر مشاهدة: الفنان ليس سلعة للبيع

انتقد الفنان أمير عيد، نجم فرقة “كايروكي”، ظاهرة تباهي بعض النجوم بأرقام المشاهدات التي تحققها أعمالهم الغنائية أو بعدد الحضور في حفلاتهم، مشددًا على أن الفنان ليس سلعة للبيع، وأن قيمة الفن تقاس بتأثيره الحقيقي في الناس وليس بالأرقام فقط.

أمير عيد: “الفنان مش بالأضخم ولا الأكثر مشاهدة”

وصرح أمير عيد على خشبة المسرح، في الحفل الختامي لمهرجان العلمين الجديدة بدورته الثالثة مساء أمس، قائلا أمام الجمهور: “في حد بيقول إن حفلته هي الأكبر وهي الأضخم.. وبيقولوا إننا عملنا في ستاد القاهرة أكبر حفلة في تاريخ مصر.. لكن علشان أكون صريح، الحقيقة أنا مش بفهم ليه الناس مهووسة أوي بفكرة الأرقام الأكثر مشاهدة والأكثر متابعة.. واللي عنده أجمد عربية وأجمد ساعة.. أعتقد ده بيدل على الشخص اللي بيبقى فاضي من جوا بيحب يبقى من بره”.

"الغنى مش بالفلوس".. رسالة أمير عيد لجمهوره في العلمين

وأضاف أمير: أن الحاجات الرخيصة هي أكتر حاجة بتتباع"، وأن الأرقام قد تكون أحيانًا دليلًا على الرخص، وافتكر إن أمي قالت لي إنك عمرك ما تبقى شخص غني إلا لو كان عندك حاجة الفلوس ما بتشتريهاش.. ودلوقتي السوشيال ميديا بتحسسنا إننا مش عايشين وبنشوف ناس عاملة نفسها مبسوطين وفرحانين.. ودي مش ناس حقيقية لكن أنتم ناس حقيقية".

"القيمة أهم من العدد.. والروح اللي بيقدمها الجمهور هي سر النجاح"

وقال أمير عيد إنه شعر بسعادة كبيرة من حماس الجمهور أثناء قدومه من القاهرة إلى الحفل، موضحًا: "ناس كتير وأنا في الطريق طلعوا لي التذاكر من العربية وهما بيسلموا عليا، وكلهم كان فيهم حماس شديد جدًا.. والموضوع عمره ما كان بالعدد، الموضوع في الروح اللي هما بيدوهالنا. حتى لو الحضور النهارده كان نص العدد أو حتى 10 أشخاص، كنت هبقى فخور وهعمل نفس الحفلة بالضبط. المهم مش كام.. المهم القيمة مش بالكم، المهم بالقيمة".

"أنا مش براند ولا كيس شيبسي.. أنا فنان حر وجمهوري هو الإلهام الحقيقي"

واختتم أمير حفله برسالة صادقة إلى جمهوره، قائلًا: "أنا بعمل الأغاني اللي بحبها مش علشان أكون براند أو سلعة.. أنا مش كيس شيبسي علشان أبقى نفسي أبيع أكتر حد. أنا فنان حر، واللي بيحركني أفكاري وقناعاتي. وبغني لجمهور حر عنده أفكار وبيحب يفكر. شكرًا ليكم على ثقتكم، وإنكم جمهور ملهم. زمان كنت فاكر إني بغني لوحدي في الأوضة ومحدش هيسمعني، لكن وجودكم غيّر كل حاجة.. أنتم السبب إني مش بغني لوحدي، وإن الأغاني دي تفضل عايشة، وإن أنا مش لوحدي في العالم اللي بقى تقيل ومش حقيقي.. شكرًا".

كايروكي يشعل أجواء العلمين.. وأمير عيد يمازح الجمهور بتعليقه الطريف

تألق فريق كايروكي في حفله أمس، قدّم باقة من أبرز أغانيه التي تفاعل معها الجمهور بحماس كبير. 

واختتم الفريق الحفل بأغنية "كل حاجة بتعدي"، بعد أن قدّم أغنية "عيون الناس" بمشاركة الفنان توليت من ألبومه الأخير.

وخلال الحفل، أضفى أمير عيد أجواء من المرح والود مع الجمهور، حيث مازح الحاضرين بقوله: "مبسوط إني بغني مع توليت وأنا عارف شكله".