ابنة الشاعر صلاح عبد الصبور مهددة بالطرد من شقتها.. ما مصير مكتبته؟

وجهت الفنانة معتزة ابنة الشاعر صلاح عبد الصبور، رسالة استغاثة، للمسؤولين بعد إبلاغها بالطرد من شقتها من قبل الملاك، بسبب قانون الإيجار القديم.

وكتبت معتزة صلاح عبد الصبور، عبر حسابها الرسمي بمنصة “فيسبوك”: "من كام يوم لأني كنت في حالة عمري ما شفت نفسي فيها جراء إبلاغي من أحد ورثة العمارة إني هتطرد من بيتي، بيت صلاح عبد الصبور بعد 7 سنوات هترمي في الشارع أنا ومكتبته وعيشتي وعيشته، كنت في حالة انهيار تام، كأني في فيلم رعب فعليًا".

واستكملت: "وللحظات فكرت أعتذر عن ورشة مهمة جدًا سأقدمها في مكتبة الإسكندرية العظمى تلك المؤسسة الثقافية المصرية العريقة بعراقة عمر حضارتنا، فقط للحظات فكرت أعتذر، ولكن فكرت نفسي بمقولتي اللي دائمًا بقولها إلى الطلبة من الممثلين لو مش قادر تمشى أزحف".

مريضة التزام 

وتابعت: "تقدم لو الدنيا اتكركبت عليك، ولأني مريضة التزام كان مستحيل أخل بكلمتي لمكتبة الإسكندرية، أو بتوقعات الفنانين الشباب اللي حجزوا الورشة، وفعلا رحت وأنا نفسيا وجسديا في حالة صدمة نفسية وتروما صادقة، ولكن ده التزام أخلاقي، وهكذا تربيت على شرف الكلمة، مش حتى العقد، بعضهم كان متابع صفحتي من قبل وكانوا على دراية تامة بالظروف الغريبة جدا جدا اللي بمر بيها".

 جمال وأخلاق وإنسانية

واختتمت: "مهما حكيت عن كم المحبة والاحتواء والدفء والأصل والرعاية والدلع والنقاء والأصل والرقي والحنية والكرم اللي شفته من طلبتي فناني الإسكندرية الرائعين مش هيوفيهم حقهم، مشفتش جمال وأخلاق وإنسانية ودفء كده في حياتي في أي مكان في العالم".