"كان نايم في سريره".. أحمد السعدني يكشف تفاصيل أصعب لحظة بحياته

تذكر الفنان أحمد السعدني، تفاصيل اللحظة التي تلقى فيها خبر وفاة والده الفنان صلاح السعدني، واصفًا إياها بأنها كانت “أصعب لحظة في حياته”.

وقال أحمد السعدني، خلال لقائه مع الإعلامي أنس بوخش، في برنامج “Abtalks”: "لما توفى والدي كنت في البيت، الموضوع دا حصل لي مرتين إني أبقى نايم، وقت أبويا ووقت خالي اللي كان أعز أصدقائي.. كنت نايم، أغبى حاجة في الدنيا أنا عمري ما أبلغ حد بخبر وفاة مستحيل مش هقول لحد، لكن حد يصحيك ويديك الخبر أسوأ حاجة في الدنيا".

سنة الحياة

وتابع: "أنا لمّا أنام بقفل على نفسي بالمفتاح لأن لما حد بيصحيني من النوم بتعصب جدًا، فجأة لقيت في ترزيع على الباب برا.. أنت قايم من النوم خلاص فيه مصيبة.. لكن برجع وأقول دي سُنة الحياة".

كل شوية أقول بحبكم

واختتم: "هو الحمد لله كان في سريره وبيته وماتعِبش، فيه حاجات كنت أتمنى أقولها له وماقولتهاش لأن أنا مش بعرف أعبّر عن مشاعري في الحياة ببقى عاوز أقول له أنا بحبك جدًا ومش بفضل أقولها، بس هو طبعًا عارف، وبحاول مغلطش الغلطة دي مع أمي دلوقتي، ومع أولادي كل شوية أقول بحبكم".

وفاة صلاح السعدني 

توفي صلاح السعدني في 19 أبريل 2024 عن عمر ناهز 80 عامًا، تاركًا خلفه مسيرة فنية كبيرة يقتدي بها جميع الأجيال الفنية الجديدة.