عمرو يوسف يكشف توتره أمام نور الشريف.. وموقف صادم مع إحدى المعجبات

كشف الفنان عمرو يوسف عن تفاصيل أول مشهد جمعه بالفنان الكبير الراحل نور الشريف في مسلسل "الدالي".

وقال يوسف خلال استضافته في برنامج "بودكاست فضفضت أوي" على منصة “Watch It”، إنه شعر بتوتر شديد ورهبة كبيرة عند الوقوف لأول مرة أمام نور الشريف، حتى أنه فقد القدرة على الحديث، موضحًا: "قبل المشهد بدأت أحس بتوتر بسيط، وقبل ما نبدأ بثلاث دقائق كنت مذاكر ومفيش أي حاجة، فجأة لقيت ضربات قلبي خفيفة ومش فاهم مالي، ولما بدأت أقول الكلام مطلعش ليّا صوت، ولقيت نفسي بعرق رغم إن علاقتي بأستاذ نور كانت كويسة وكنا عاملين بروفات تربيزة لفترة طويلة".

وأضاف: "لما جيت أمثل قدامه، الكلام راح مني خالص، فقلت له معلش هدخل الحمام دقيقة واحدة. دخلت الحمام وبصيت في المرايا وهزّأت نفسي وقلت لنفسي: في إيه مالك! وبعدها غسلت وشي ورجعت عملت المشهد، وبعد دقيقتين أو تلاتة فاجئني أستاذ نور بذوقه الشديد وقال لي: إحنا جاين بكرة وممكن نصوره بكرة مش لازم النهارده. الراجل ده كان استثنائي جدًا".

وفي سياق آخر، تحدث عمرو يوسف عن موقف صادم مع إحدى المعجبات، حيث كانت ترسل له رسائل مليئة بكلمات رومانسية جميلة، لكنه فوجئ بعد زواجه بأنها بدأت تشتمه وألفاظها طالت زوجته كندة أيضًا، مؤكدًا أنه لم يرد عليها مطلقًا.