فعل فاضح داخل ميكروباص المندرة وسط صمت الركاب.. والأمن يتخذ إجراءاته

تفحص الأجهزة الأمنية بوزارة الداخلية مقطع فيديو متداول على مواقع التواصل الاجتماعي، يرصد قيام شخص بفعل فاضح أثناء جلوس فتاة بجواره داخل ميكروباص في محافظة الإسكندرية.

ويجري رجال المباحث تحريات مكثفة للوقوف على ملابسات الواقعة، وتحديد تاريخ تصوير الفيديو وضبط المتهم.

رواية الضحية

قالت ناشرة الفيديو عبر صفحتها على "فيسبوك": "ركبت عربية من محطة المندرة، وركب ورايا الشخص ده. وأنا ماسكة موبايلي حسيت منه حركات غريبة وكل شوية يبص ناحيتي، ولما قلقت منه عملت نفسي بتكلم واتساب، وفتحت الكاميرا من كتر الرعب إنه يتعرض لي أو يلمسني".

الواقعة لحظة بلحظة

وأضافت: "من ساعة ما بدأت أصوره زي ما هو واضح، بيعمل كده في عز النهار الساعة 11 صباحًا، قدام راجل تاني قاعد جنبه، ومكمل من غير ما يخاف، وأنا مقدرتش أتكلم عشان ما يتعرضليش. لحد ما المشروع وقف عشان حد ينزل، وزعقت له يقوم وينزل".

غياب تدخل الركاب

وتابعت الضحية: "ما فيش حد من الركاب ولا حتى السواق تدخل أو وقف اللي بيحصل، والسواق كان مستعجل عايز يركب ركاب تانيين".