اللغز في عيلة "رخا".. ننشر أقوال مهندس ضحية نصب "الست غالية"

تنظر محكمة جنح دمنهور، غدًا، جلسة محاكمة المتهمين في القضية التي تتهم شركة الشيف غالية المعروفة إعلاميًا بـ"الست غالية" بتوظيف الأموال.

شركة الست غالية

وحصلت "تليجراف مصر" على أقوال المجني عليهم في القضية وفقًا للمحاضر الرسمية، وجاءت أقوال مهندس ضحية النصب من شركة “الست غالية” كالآتي:

س: ما هي تفصيلات شكواك؟

ج: اللي حصل سنة 2021 أنا أعرف واحد صاحبي أنا وأخويا اسمه معاذ رخا قالنا إن ابن عمه عبدالله رخا شغال في الموبايلات وإن في ناس كثير مشغلة فلوسها معاه والمكسب بيكون حوالي من 10% كل شهرين وبيزيد، وبعدها بابا وماما اتعرفوا على عبدالله عن طريق أخويا وادولوه فلوس عشان يشغلها معاه، وهو كان منتظم مع بابا وماما وكانوا بيشكروا فيه جدا، واعتبرنا عبدالله واحد مننا، وخلال 4 سنين خد مننا 2 مليون و89 ألف جنيه، كل شوية عبدالله يكلمني يقولي الشغل تمام وبعدها يقولي هنوقف شغل، وفضلت أكلمه مفيش رد واتبقى ليا بالارباح 2 مليون 280 ألف جنيه وطالبته  بالفلوس مبيردش يعني جاب بـ 2 مليون جنيه تليفونات وخلع.

س: ما صلتك بباقي الشاكين؟

ج: دول أصدقائي وعلاء يبقى أبويا وحنان تبقى امي وساهر يبقى أخويا .

س: ومتى نمى إلي علمك يكون إنه يوجد مبلغين آخرين؟

ج علشان في ناس أصحابي النصب عليها زيي وكذا حد من خلال السوشيال ميديا .

س: هل تحققت من نشاط المشكو في حقهم؟

ج: أنا كنت بشوف الموبايلات بكراتينها في شنطة العربية وفي العربية بتاعته.