فقدت الوعي.. عماد يسري يكشف تطورات حالة والدته الصحية

بعد أسبوع تقريبًا من إعلان الناقد السينمائي، عماد يسري، التفاصيل الكاملة لمرض والدته التي تعاني السرطان وسوء الحالة التي وصلت إليها، كشف يسري منذ قليل، تدهور الحالة الصحية لوالدته ودخولها المستشفى بسبب فقدانها الوعي.

تدهور الحالة الصحية لوالدة عماد يسري

وكتب عماد يسري عبر حسابه الشخصي على منصة “فيسبوك”: “أمي من بليل فقدت الوعي وملحقتش تخرج من المستشفى علشان ترجع تاني”.

وتابع عماد يسري بتعبير محزن عن والدته والحالة التي وصلت إليها: “يارب رحمتك يارب من 12 بليل وأنا جنبها نفسي ترجع تكلمني تاني يارب”.

مرض السرطان

وقبل أسبوع، كشف عماد يسري تفاصيل مرض والدته وتوقفها عن العلاج خوفًا عليها، كما أنه لم يتحمل أن يراها هكذا.

ونشر عماد يسري صورته رفقة والدته عبر “فيسبوك” معلقًا عليها: "للأسف مفيش حل ومضطر وأنا قلبي مكسور أخد أصعب قرار في حياتي إني مش هخلي أمي تكمل علاجها.. أنا مش هبهدل أمي ولا أشوف دموعها وكسرتها قدامي”.

وتابع الناقد عماد يسري: “وإحنا خارجين من المستشفى عرفت صدمة حياتي إن السرطان عندها شرس، دي كانت كلمة دكتور جراحة الأورام ليا ومش قادر أقولها أي شيء ولا هقولها باللي عندها، مش هتستحمل أي كيماوي ولا إشعاع ولا حاجات تانية، ياريت السرطان كان جالي أنا وهي لا”.

واختتم عماد يسري حديثه بجملة مؤثرة للغاية: “أمي قالتلي صورني أنا وأنت علشان تبقي ذكرى وإحنا خارجين من المستشفى وتفتكرني لو سبتك ورحت لربنا.. رحمتك يارب”.

"أمي مبتحبش تشتكي"

وقال عماد يسري لـ “تليجراف مصر” بعد إعلانه توقفها عن العلاج: “أمي طول عمرها مبتحبش تقول إنها تعبانة، مبتحبش تبين أي وجع، لأنها عارفة إني مش هسكت، فمبتحبش تقلقني، وبتخاف عليا.. البداية كانت تحديدًا لما الوجع زاد عندها فجأة من حوالي شهر ونص ابتدأت الآم شديدة تجيلها في بطنها، وأنا لما شفتها كدا ضغطت عليها تروح لدكتور، رغم إنها دايمًا تقول متضغطش عليا لما أكون تعبانة لأنها عارفة اي مش هسيبها".

وتابع: "أمي مش عايزة تروح عشان ما تزعجنيش وكمان عايزة توفر لأنها عارفة اني لازم اخدها عند احسن دكتور واجبلها احسن علاج".

"أنا عايش لأمي"

وأكمل: "أنا متجوزتش وعايش لأمي، صحيح أبويا عايش، ربنا يبارك فيه ويديله الصحة، بس ارتباطي بأمي مش عادي، فوق الخيال، هي أهم شيء في حياتي، مكانتها غير طبيعية عندي، مش مجرد أم.. دي كل حاجة.