بعد أزمة إبراهيم شيكا.. وفاء عامر تنهار على الهواء: مصر بلد القانون

انهارت الفنانة وفاء عامر، على الهواء، في أول لقاء لها بعد أزمتها واتهامها بتجارة الأعضاء عبر مواقع التواصل الاجتماعي.

وقالت وفاء عامر في برنامج "كلمة أخيرة"، مع الإعلامي أحمد سالم: “قبل ما شيكا يموت روحت بيته لقيت إن مينفعش واحد عنده جروح في جسمه يسكن في البيت ده، زوجته قالتلي دافعين 100 ألف جنيه في بيت تاني، ابتديت أجمع تمن الشقة، مش من ”تيك توك" ولا “فيسبوك”، ومعايا حد بيراجع ورايا الفلوس دي، جبت فلوس وجبت له بيت، بعت المحامي معاه شيك بتمن الشقة، فاضل على الشقة 150 ألف جنيه، وأنا عايزة أسترجع الشقة دي، لأنها عاملة مشاكل".

الداخلية قوية ومحترمة

واستكملت: "مين قال إني مدافعتش عن نفسي من اللي بيتقال عني، بدافع بالقانون ورفعت قضايا وقضاء مصر العادل خلاني قاعدة دلوقتي، والداخلية قوية ومحترمة ومش بتسيب حاجة".

الحمل تقيل

وتابعت: “كنت باطوف في الكعبة وبدعي ربنا وباقول يا رب رد عليا مظلمتي، وكل واحد جاب في سيرتي، والناس كانت بتطبطب عليا ويقولولي بندعيلك كلنا، وواحد في الشارع قالي الحمل تقيل بس انتي قوية، أنا في مصر بلد القانون”.

مقاضاة 3 أشخاص

كما أكدت وفاء أنها قاضت مروة يسري، وامرأة مصرية في الكويت، وشخص سعودي تحدث عنها بشكل لا يليق، ودافعت عن نفسها بالقانون فقط لاحترامها وثقتها الكبيرة للقضاء المصري.

حبس مروة يسري

كانت محكمة جنح الاقتصادية بالإسكندرية قضت مؤخرًا بحبس مروة يسري، المعروفة إعلاميًا بـ”بنت الرئيس حسني مبارك”، سنيتن وغرامة 100 ألف جنيه في الدعوى المقامة ضدها من الفنانة وفاء عامر، والتي اتهمتها فيها بالسب والقذف عبر بث مباشر على مواقع التواصل الاجتماعي.

صدر الحكم برئاسة المستشار محمود حسن رئيس المحكمة، وعضوية المستشار أحمد فوزي والمستشار زياد مباشر، ومصطفى يسري أمين السر، عبدالله سعيد حاجب المحكمة.