"بعتذر لك قدام الكل".. سعد الصغير يفتح صفحة جديدة مع بوسي

وجّه الفنان سعد الصغير رسالة للمطربة بوسي، اليوم، بعد معارضتها على أحكام قضائية صدرت ضدها، عقب القبض عليها أثناء تواجدها بمطار القاهرة قبل سفرها إلى دبي، وأُخلِي سبيلها لاحقًا.
 

وقال سعد الصغير في حلقة من برنامجه "سعد مولعها نار" التي أذيعت اليوم: “أنا بعتذر لك قدام الناس كلها، لو كنت غلطت أو زعلتك، اعتبريها غلطة، وأنا اللي بقولك دا قدام الجميع، أنا ماقصدتش أشهّر بوالدك رحمه الله أو أعمل ترند، أنا فعلًا كنت بحاول أعمل خير”.

 إنتِ صوت مصر

وأضاف: "أنا بشهد قدام الكل إنك إنسانة طيبة ومحترمة، بوسي مش مجرد زميلة، دي أختي، واتربينا سوا، وبقول لها دلوقت من قلبي: إنتِ صوت مصر، وأحسن صوت شعبي، ودا مش كلام جديد، أنا كنت بقول كدا دايمًا حتى قبل أي خلاف، وأنا عمرى ما أفرح فيكي زي مابيتقال من البعض".

إنسانة طيبة

وتابع: "الحمد لله ربنا عدى أزمة بوسي على خير وانتِ إنسانة طيبة تستاهل كل حاجة حلوة، وأنا كلمت ناس عشان أكون جنبك، ربنا يخليلك ابنك، ويرزقك راحة البال".

أغنية "آه يادينا"

وأكد الصغير أنه سبب المعرفة بين بوسي والملحن محمد عبدالمنعم وتقديم أغنية "آه يا دينا" التي تركت بصمة كبيرة في مشوارها ومن أهم اغانيها، وقال: “كنت سبب في وجودك ونجاح الأغنية لأن لولا الأغنية ماكنش هيبقى في بوسي، وربنا جعلني سبب، بالإضافة إلى أنني كنت أحل مشاكلك دايمًا”.

سعد الصغير وبوسي

يُذكر أن العلاقة بين سعد الصغير وبوسي شهدت توترًا في الفترة الماضية، إلا أن رسالته الأخيرة جاءت لتفتح صفحة جديدة، وتعكس حرصه على إنهاء الخلافات، ودعمه لها في أزمتها.