مسلم ينصف طليقته على شقيقته: “هتاخد حقها ومش هتسيبها”

خرج المطرب الشعبي مسلم، للرد على اتهامات شقيقته البلوجر آية زكريا، بالكذب والتضليل تجاه معاملة عائلته القاسية له.

وقال مسلم لـ“تليجراف مصر”: “آية أختى تقول اللي هي عايزاه تقوله براحتها، أنا أكيد مش هاطلع أقول على نفسي حاجة غلط، واللي عايز يصدقها براحته.. أنا قولت الحقيقة”.

محضر ضد شقيقة مسلم

وأضاف، “يارا طليقتي عملت فيها محضر تشهير بسبب اللي قالته عنها ومش هتسيب حقها.. بس حاليا مش عارف تم استدعائها ولا لا أنا الفترة دي بعيد عن يارا فمش عارف إيه اللي حصل بالظبط”.

أهلي مش حنيين عليّ

وظهر مسلم مساء أمس، في بث مباشر عبر حسابه الرسمي على منصة “إنستجرام” كشف من خلاله تفاصيل تخص طفولته مع عائلته ومدى قسوتهم عليه، قائلًا: “بالنسبة لأهلي، هناك مثل يقول: ”في أهل بيطلعوك سابع سما وأهل بينزلوك سابع أرض"، للأسف لم يكن حظي جيدًا معهم، فلم يكونوا حنونين عليّ كما ينبغي، ولم يكونوا بجانبي.

واستكمل: “منذ أن كان عمري 15 عاما، بدأت أترك المنزل وأعيش حياتي بمفردي، لأن أهلي عندما يروني أفعل شيئًا، كان أول رد فعل لديهم هو مد اليد، ومنذ صغري كانوا يجتمعون عليّ ويضربونني، مما جعلني أشعر بالكراهية طوال حياتي، وصديقي المقرب مني في الشقة كان يسمع صراخي ودموعي يوميًا، وكنت أتعرض للضرب والإهانة والتقليل من شأني”.

شقيقة مسلم: كفاية تجيب سيرتنا

وبعد ساعات من انتهاء مسلم للبث المباشر، خرجت شقيقته للرد على حديثه عنهم وعن أيام طفولته القاسية، عبر حسابها الرسمي على منصة “إنستجرام” قائلة: “على العموم يا مسلم مفيش عيل صغير يصدق الكلام اللي بتقوله ده”.

وتابعت شقيقة مسلم: “لو فعلا إخواتك كانوا بيضربوك ويتلموا عليك مكنش ده بقي حال تربيتك.. ويارا معاك ومفيش طلاق فخلاص كفاية تجيب سيرتنا”.