صاحبة ترند "أنا مريم وما يهمنيش حد": آسفة.. أنا بنتكم وعرفوني الصح من الغلط

أثارت فتاة تدعى مريم جدلًا واسعًا عبر مواقع التواصل الاجتماعي بعد ظهورها في مقطع فيديو تصدّر الترند بعبارة "أنا مريم ومش هاممني أي حد"، لتواجه بعدها موجة من الانتقادات والهجوم الحاد. 

اعتذار مريم

وفي أول تعليق لها، قدمت مريم اعتذارها وأكدت أنها لم تقصد إثارة أي أزمة.

تصريحات مريم 

وكشفت الفتاة، في تصريحات لـ "تليجراف مصر" كواليس الواقعة قائلة: "أنا آسفة على التصرف اللي طلع مني، أنا ما كنتش أقصد حاجة، والمشكلة مكنتش معايا دي كانت بين اتنين صحابي وأنا كنت بحجز بينهم، ومفيش علاقة ليا بالموضوع، لكن في بنت شتمتني وأنا اتعصبت فخرجت عن شعوري".

تفاصيل

وأضافت: "أنا عندي 17 سنة وفي تانية ثانوي صنايع، وعايزة أبقى ممرضة عشان أعالج أبويا العاجز، ماكنتش أقصد اللي حصل مني، وكان المفروض الناس تفهمني وتتكلم معايا وتعرفني الصح من الغلط، مش يعملوا اللي عملوه فيا، اعتبروني أختكم الصغيرة وراعوا ربنا فيا، أنا بنوتة غلبانة وأسرتي على قد حالها".

وتابعت: "أنا عارفة إني غلطت، لكن كان المفروض تسمعوني وتعرفوني الصح من الغلط، مش تفضلوا تشتموا أهلي وتغلطوا فيهم، هم أصلا ناس غلابة جدًا، وأمي ست مش بتطلع من البيت، وأبويا راجل عاجز، وكان المفروض تعتبروني أختكم الصغيرة".