معايا ابتدائية وراكبة BMW.. مفاجآت في أقوال أم سجدة بقضية غسيل الأموال (خاص)

أم سجدة

A . .A

حصلت “تليجراف مصر” على نص أقوال البلوجر “محروسة.ج” المعروفة إعلاميًا بـ"أم سجدة"، والمتهمة بغسل ملايين الجنيهات، ونشر فيديوهات خادشة للحياء وإساءة استعمال مواقع التواصل الاجتماعي، والتي قضت المحكمة الاقتصادية، بحبسها 6 أشهر وغرامة 100 ألف.

وجاء نص أقوال المتهمة كالتالي:

س: ما طبيعة عملك ؟

ج: أنا شغالة بلوجر وعندي حسابات على السوشيال ميديا والتيك توك.

س: وما هو مؤهلك الدراسي الجديد؟

ج: أنا حاصلة على ابتدائي.

س: وما هو دخلك الشهري الذي تقاضيته؟

ج: أنا مش بقبض من الشغل بتاعي غير 10 آلاف جنية وممكن أكثر ويمكن أقل.

س: وما هي أوجه إنفاقك تحديدًا؟

ج: أنا بصرفه على أولادي والبيت وعليا.

س: حددي لنا لنا ممتلكاتك؟

ج: أنا كان عندي شقة في البساتين وجوزي كان اشتراها وبعد كدا لما حصلت بينا مشاكل وعرفت أنه اتجوز عليا أنا طلبت أطلق وهو طلقني، وطلب مني أتنازل له عن الشقة، وأنا فعلًا اتنازلت وخدت شقة إيجار بدفع إيجار شهري 6500 جنيه ومعايا عربية ماركة بي إم دبليو X31 موديل 2008 فدي أنا كنت شرياها بمبلغ 650 ألف جنية وبالنسبة للدراجة النارية جيباها مستعملة بـ105 آلاف جنيه وبيعتهم واشتريت العربية الـBMW اللي معايا دلوقتي وعندي حساب بنكي فيه 10 آلاف جنيه والمحفظة بتاعتي عليها 31 ألف جنيه.. دي بس ممتلكاتي.

س:ما كيفية تحصلك على الأموال المبذولة في سبيل تملك السيارة؟

ج: الفلوس بتاعتها دي أنا كنت جمعتها من الإعلانات اللي بعملها للمحلات زي مثلا كوافير، ومحلات ملابس، ومطاعم أكل، ومحلات هامبورجر.

س: ما إجمالي قيمة ما تحصلتِ عليه من قيامك بالتسويق المنشآت تجارية؟

ج: حوالي 650 ألف حينه.

س: وما قيمة المبالغ المالية التي تحصلت عليها من فيديوهات عبر منصات التواصل الاجتماعي الخاصة بك؟

ج: أنا مش بطلع لايفات ولا حاجة، أنا كل اللي بعمله فيديوهات على الفيسبوك، ودي بتدخل مبالغ بسيطة، والفيديوهات اللي بعملها على التيك توك مباخدش عليها فلوس ولا حاجة، إنما لايفات التيك توك بيدي فلوس، وأنا مش بطلع لايفات.

غسيل اموال أم سجدة البلوجر أم سجدة نص أقوال أم سجدة