“حسيت القيامة هتقوم”.. أحلام عروس تتبخر بعد انهيار عقار (خاص)

شهدت منطقة مصر القديمة واقعة مأسوية عقب انهيار عقار متهالك مكون من 3 طوابق، بشكل جزئي، وتحرر المحضر بالواقعة.

تفاصيل الانهيار

وكشف أحد السكان تفاصيل انهيار العقار وقال في تصريحات خاصة لـ “تليجراف مصر”: “كنت نايم لما حصل الانهيار وحسيت بزلزال وإن القيامة هتقوم وجريت من البيت بسرعة عشان أنقذ حياتي”.

وأضاف: “في حد جنبنا بيبني برج بمعدات تقيلة كانت السبب في أن يحصل تصدعات في العمارات اللي احنا ساكنين فيها بسبب إنها قديمة جدا، وياريت حد يقف معانا عشان إحنا خلاص بقينا في الشارع وملناش أي مكان نروح فيه”.

مأساة انهيار عقار مصر القديمة

وأكمل: "في أكتر من كذا حد تضرر من أصحاب العقارات بسبب آثار الانهيار، وبسبب إن خلاص الشارع اتقفل ومش هنعرف ندخل بيوتنا تاني، ده غير أن في بنت حالتها صعبة كانت عاملة عملية وبتستعد للجواز  وجهازها اندفن تحت الأنقاض، ودخلت المستشفي".

انهيار جزئي بعقار في مصر القديمة

كانت البداية بتلقي الأجهزة الأمنية بمديرية أمن القاهرة، بلاغًا من غرفة عمليات النجدة يفيد بانهيار عقار بشكل جزئي بدائرة قسم شرطة مصر القديمة.

وعلى الفور انتقلت قوة أمنية إلى محال البلاغ مدعومة بسيارات الإسعاف تحسبًا لوجود مصابين، وبإخطار غرفة عمليات الحماية المدنية، تم الدفع بفرق الإنقاذ البري.

وبالفحص والتحريات تبين أن العقار متهالك، وتم إخلاؤه من السكان، وحدث الانهيار بشكل جزئي، ولم ينتج عنه وقوع أي إصابات.

وجارٍ اتخاذ الإجراءات القانونية للازمة حيال الواقعة، وتحرير محضر للعرض على النيابة العامة لمباشرة التحقيقات والتحقيق في الواقع.