بعد 3 أزمات.. زوجة إسماعيل الليثي: مش مسامحاك ليوم الدين

كشفت البلوجر شيماء سعيد، زوجة المطرب الشعبي إسماعيل الليثي، معاناتها السابقة معه، موضحة أنه كان يفرض عليها الاعتذار لوالدته باستمرار.

مهاجمة شيماء سعيد لـ إسماعيل الليثي

وقالت شيماء سعيد خلال بث مباشر عبر حسابها على منصة “تيك توك”: “كان جابرني أعتذر لوالدته، وكنت بروح أسلم عليها، ولما أروح لحد عندها تلف وشها الناحية التانية، وتحرجني لدرجة إني كنت بعيط وأنا ماشية”.

وتابعت زوجة إسماعيل الليثي: “مش عايزة أرجع له خلاص معايا بنتين، ربنا يخليهم ليا ولأبوهم، وربنا ما يوريني فيه وفيهم حاجة وحشة أبدًا، بس بإذنك يا رب، عمرك ما هترتاح، ومش مسامحاك ليوم الدين، لا أنت ولا اللي فرّقك عني، حسبي الله ونعم الوكيل، إلهي ما تلاقي راحة، وفي أي مكان تروحه تلاقي قلة تقدير، وتلاقي قلبك مولّع زي ما ولّعت قلبي، وتفضل عايش طول حياتك ما تلاقيش ظفر عيل”.

من حقي أصيف

وفي أغسطس الماضي، تحدثت شيماء سعيد، عن تفاصيل أزمتها الزوجية، مشيرة إلى أنه منعها من أقل حقوقها كزوجة.

وقالت خلال بث مباشر عبر حسابها على منصة “تيك توك”: “أنا عايزة أعيش باحترام وأدب، أنا واحدة بشتغل، وكنت بروح البيت أشتغل، أقسم بالله أنا عايزة أعيش أقل من الناس العادية”.

وتابعت: “أقسم بالله كنت بقعد بالـ 3 سنين مش بكشف عند دكتور، وأنا سيدة مبحبش الخيانة بكل أنواعها أنا ست بـ 100 ست”.

واختتمت شيماء سعيد حديثها عن أزمتها: “أنا واحدة ليا حقوقي وليا وقت إني أصيف وأخرج مع جوزي وعيالي كل دا محرومة منه، ولا بيخرجني ولا بيعلمي حاجة”.

أزمة أخرى

ليست هذه الأزمة الأولى التي تعرضت لها شيماء سعيد من زوجها إسماعيل الليثي، حيث استغاثت بمتابعيها في يونيو الماضي من زوجها إسماعيل الليثي، وأكدت من خلال مقطع فيديو عبر حسابها الرسمي على موقع "تيك توك"، بأنه اختطف بناتها ومجوهراتها وسيارتها.

وقالت شيماء حينها: “إسماعيل الليثي أخد فلوسي وبناتي وضربني، صحيت من النوم ملقتش بناتي، وأخد دهبي ومفتاح عربيتي وفلوسي، حد يلحقني.. أنا عايزة حقي".

تعليق إسماعيل الليثي

وعلق مصدر مقرب على تصريحات شيماء سعيد باختطاف زوجها بناتها بدون علمها، وأكد المصدر، لـ"تليجراف مصر"، أن الخلاف بين الطرفين قد تم احتواؤه، مشيرًا إلى أن الفيديو الذي نشرته شيماء على "تيك توك" سيتم حذفه خلال دقائق.

شيماء سعيد وإسماعيل الليثي

وقال المصدر: "الفيديو بتاع شيماء سعيد هيتمسح خلال دقايق، أستاذ إسماعيل الليثي نايم دلوقتي بعد ما خلص الأضحية، وبناته حاليًا معاها في البيت، واللي حصل مجرد مشاكل عائلية زي اللي بتحصل في بيوت كتير، وهما التلاتة مع بعض دلوقتي".