باسم يوسف: مصر وحشتني بس فيه 11 سنة فاتت من عمري

عبر الإعلامي باسم يوسف عن اشتياقه الشديد لمصر بعد غيابه عنها لمدة 11 عامًا.

اشتياق باسم يوسف لمصر

وقال باسم يوسف خلال لقائه مع الإعلامي أحمد سالم ببرنامجه “كلمة أخيرة”: “مصر وحشتني.. بس فيه 11 سنة فاتت من عمري، مصر اللي في مخيلتي هي مصر 2014، لأن مصر 2025 بقت حاجة تانية خالص”.

باسم يوسف عن برنامج “البرنامج”

وفيما يتعلق بعدم استكمال برنامجه بعد مغادرته مصر، أوضح يوسف قائلًا: “لم أكمل البرنامج من خارج مصر لأن هذا البرنامج مرتبط بزمنه وظروفه وتوقيته، ونجاحه جاء بسبب تفاعل الناس مع الأحداث حينها، الكوميديا بطبيعتها قصيرة العمر، خاصة الكوميديا السياسية التي تتناول قضايا حالية، فهي أسرع في زوالها”.

وواصل باسم يوسف حديثه قائلًا: “قعدت سنتين مش قادر أكتب حتى كلمة، كنت حاسس إن من غير البرنامج ما ليش قيمة، لكن شفنا كتير إزاي عمل أو فنان الناس بتتعلق بيه، ولما يرجع يعمل نفس الدور أو الشخصية، الجمهور ممكن ينقلب عليه. 

وأضاف: "كلامي وأنا جوه البلد غير تمامًا عن كلامي وأنا براها، دلوقتي بشوف مصر من خلال فيسبوك، وده عمره ما هيوصل نفس التأثير. البرنامج كان مؤثرًا لأنه كان نابعًا من قلب البلد”.