"كوريك ومسدس".. ماذا قال المتهم الأول في واقعة فيديو المحور؟

حصلت "تليجراف مصر" على نص أقوال المتهم الأول “أحمد.ع”، (طالب ـ 22 عامًا)، في واقعة فيديو الفعل الفاضح على طريق المحور، وجاءت على النحو التالي:

س: ما هي تفصيلات الواقعة؟

ج: اللي حصل أنا كنت سهران مع أصحابي همسة وسلمي وشهد وحسن في ملهي ليلي اسمه ذهبية ناحية العجوزة وبعدين أنا قلت لهم تعالوا نروح عند البنزينة اللي عند وصلة دهشور عشان نفطر ونشرب حاجة وركبنا العربية بتاعتي وكانت راكبة جمبي همسة وورا سلمى وشهد وحسن وإحنا في الطريق همسة حضنتني من عند وسطي، فوجدت كريم بيصورنا أنا وأصحابي ومعرفش هو ليه عمل كدا وقفلت عليه بالعربية ولما نزلنا كان مكمل تصوير وكان ماسك مسدس.

س: ماذا حدث بعد ذلك؟

ج: ضربني في صدري بإيديه وشتمنا كلنا وبعدين ضرب بالمسدس لي الفانوس بتاع عربيتي وكسره وأنا مسكت الكوريك بتاع العربية وضربته في الزجاج بتاع عربيته من الناحية الشمال وبعدين الناس اتلمت علينا وفضوا الخناقة.

س: وما هي علاقتك بكل من سالفي الذكر على وجه التحديد؟
 

ج: همسة دي صاحبتي من حوالي 6 شهور وكنا بنحب بعض وكنا مقررين نتجوز وحسن ده صاحبي من زمان.

س: هل تناولتم ثمة مشروبات أو تعاطيتم ثمة مواد مخدرة آنذاك؟
 

ج: لا مشربناش حاجة خالص.

س: وما هي الحالة التي كنتم عليها حال تواجدكم بالسيارة خاصتك آنذاك؟

ج: إحنا كنا قاعدين وبنهزر عادي وهمسة حضنتني وأنا سايق العربية.

س: ما الذي دعا المدعوة همسة  إلى معانقتك آنذاك؟

ج: عشان أنا وهي بنحب بعض وكنا مقررين نتجوز وأنا وقتها مكنتش شايف إنها عملت حاجة تستاهل كل دا.