الراقصة ليندا أمام جهات التحقيق: "الفستان اتفك بالغلط"

كشفت التحقيقات بقضية الراقصة ليندا تفاصيل اتهاماها بنشر الفسق والفجور والتحريض على الرذيلة، ونشر محتوى خادش للحياء، ومقاطع فيديو تظهر فيها مفاتنها، وكذلك ممارسة العلاقات المنافية للآداب من رجال دون تمييز بمقابل مادي.

اعترفات الرقصة ليندا

وحصلت “تليجراف مصر” على تحقيقات القضية وعلى أقوال الراقصة ليندا أمام جهات التحقيق التي جاء نصها كالتالي: 

س: من القائم على نشر فيديوهاتك؟

ج: صفحات ثانيه مليش صله بيها، واخدين اسمي وعاملين بيه صفحات كثير وبينزلوا فيديوهات ليا وأنا مليش علاقة بنشر تلك الفيديوهات.

س: ومن أين تحصلوا على تلك المقاطع؟

ج: فيه فيديوهات بيكون أشخاص مصورينها ليا في الحفلات، وفيه فيديوهات تانية بيتم اقتطاعها ويحطوا عليها أغنية وينزلوها عندهم.

س: وما قولك فيما ثبت من اطلاع النيابة العامة على تلك المقاطع من وجود بعض منها مصوّرًا داخل مساكن خاصة…؟

ج: فيه فيديوهات قديمة من سنة 2020 أيام كورونا كنت بطلع اتكلم مع الناس، وأحيانًا كنت برقص، والصفحات خدت الفيديوهات دي ونزلتها وبتنزلها لحد دلوقتي، ومش أنا اللي بنشرها دلوقتي دي لايفات قديمة كنت بطلع فيها أتكلم وأحيانًا كنت برقص.

س: وما السبب من تسجيل تلك المقاطع ونشرها من داخل أماكن خاصة؟

ج: دي هوايه وأنا بحب أعملها وكانت أيام كورونا وكانت كل حاجه قافلة.

س: وهل تتحصلين على أي أجر نظير ذلك؟

ج : لا دي مجرد هوايه، وأنا أيام كورونا كنت ساعات برقص على النت بس مش لأشخاص معينة ومن بعد كورونا وأنا معملتش أي لايف رقص.

س: وهل تلك الملابس السابق ظهورك بها بالمقاطع المرئية من داخل أماكن خاصة تتناسب مع قيم وتقاليد المجتمع المصري لنشرها عبر حساباتك الشخصية؟

ج: مكنتش أعرف إنها مخالفة لقيم المجتمع، أنا ساعات بتصرف بطبيعتي، ومش بيبقي قصدي الإغراء.

س: ما قولك فيما ثبت للنيابة العامة من الاطلاع على المقطع رقم 8 فما ظروف التقاط ذلك المقطع تحديدًا؟

ج: دا فيديو كنت مصوراه وأنا في لبنان في فندق هناك من 3 سنين ونزلته ستوري على “إنستجرام”.

س: ومن القائم بالتقاط ذلك المقطع؟

ج: أنا.

س: وما سبب قيامك بتصوير ذلك المقطع في مكان خاص وحال ارتدائك تلك الملابس؟

ج: أنا كنت مصوراه علشان الناس تعرف إني موجودة في لبنان عشان لو حد محتاجني في مناسبة.. فرح أو حفلة.

س: ما قولك فيما ثبت للنيابة العامة من الاطلاع على المقطع رقم 6 فما هي ظروف التقاط ذلك المقطع تحديدًا؟

ج: دا كان لايف، أنا كنت طالعة فيه سنة 2020 أيام كورونا وكنت بتكلم فيه عن أن الفيروس هيخلص امتى وكدا..

اقرأ أيضًا: 

"الليلة بـ10 آلاف دولار".. تقرير يكشف مفاجآت في قضية الراقصة هندية

إحالة الراقصة ليندا مارتينو للمحاكمة بتهمة نشر مقاطع خادشة للحياء

س: وما قولك فيما ثبت للنيابة العامة من مطالعة ذلك المقطع من عدم قيامك بالتحدث؟

ج: هو اللي مصوره من اللايف واخده ومقطّعه.

س: وما قولك فيما ثبت بذلك المقطع من ظهورك حال قيامك بإيحاءات جنسية وقيامك بملامسة موطن عفتك حال ظهورك بذلك المقطع؟

ج: هو الفيديو اللي نشره عنده شغله بصورة بطيئة علشان يظهرني في شكل مغري علشان يجيب متابعين ونسبة مشاهدة لكن أنا كنت برفع لبسي عادي.

س: ما قولك فيما ثبت للنيابة العامة من الاطلاع على المقطع رقم 6 فما هي ظروف التقاط ذلك المقطع تحديدًا؟

ج دا كان لايف أنا كنت طالعة فيه سنة 2020 أيام كورونا وكنت بتكلم فيه عن إن الفيروس هيخلص امتى وكدا.

س: ما قولك فيما ثبت للنيابة العامة من الاطلاع على المقطع رقم 16 فما هي ظروف التقاط ذلك المقطع تحديدًا؟

ج دا كان فيه سنة 2018 ومش أنا اللي مصوره الفيديو ولا اللي نشرته، أنا كنت في حفلة في الساحل الشمالي على البحر، والفستان اترفع بطريقة لا إرادية ومكنش قصدي إنه يترفع، وحد من المتابعين صورني ونزل الفيديو على النت بس مش أنا اللي نشرته.

س: ما قولك فيما ثبت للنيابة العامة من الاطلاع على المقطع رقم 23 فما هي ظروف التقاط ذلك المقطع تحديدًا؟

ج: دا كان في 2018 برضو، وكنت برقص في فندق في مكان اسمه راوي، وهو مكان مرخص، والفستان اتفك بالغلط وباين من الفيديو اني اتخضيت أول ما اتفك الفستان وعدلته في ساعتها وخرجت من المسرح.

س: ما قولك فيما ثبت للنيابة العامة من الاطلاع على المقطع رقم 20 فما هي ظروف التقاط ذلك المقطع تحديدًا؟

ج: أنا كنت في عيد ميلاد واحدة صاحبتي، وفيه مغني ندهني اطلع على المسرح ورقصت ونزلت وحد صورني ونزّل الفيديو بس مش أنا اللي نزلته ولقيت حصل عليه مشكله على النت بس مش أنا اللي منزلاه.

س: وما قولك فيما قرره سالف الذكر من أن الهاتف المحمول خاصتك محل الحرز الثاني يستخدم من قبلك في نشر المقاطع المرئية المسيئة والمنافية للآداب؟

ج: أنا تليفوني مش بنشر من عليه حاجة غير اللي على صفحتي، واللي على صفحتي بيكون رقصي في أماكن مرخصة ولبسي فيها بيكون مطابق للشروط ومفهوش أي مخالفة للقانون لأن لو كان فيه حاجة غلط كان المكان هيمنعني من إني أرقص بشكل مخالف لأنهم كانوا هيتعرضوا للمساءلة.

س: وما الغرض من نشرك لتلك المقاطع؟

ج: أنا شخصية مشهورة، وراقصة وطبيعي بيكون لأي واحدة في المجال دا فيديوهات وهي بترقص بس في حدود الشروط والضوابط ودا اللي أنا ملتزمة بيها.

س: وما قولك فيما قرره سالف الذكر من أن المبالغ المالية موضوع الحرز من متحصلات نشاطك الآثم؟

ج: أنا مليش أي مصدر دخل غير شغلي اللي أنا مسجلة فيه في نقابة المهن التمثيلية والرقابة العامة للمصنفات، ودي فلوسي من شغلي ومش من أي شغل مخالف.

س: وما قولك فيما قرره سالف الذكر من أنك تقومين باستقطاب راغبي المتعه التابعين للدول العربية لممارسة الجنس معهم دون تمييز؟

ج: دا أمر عمره ما حصل، ومعرفش الكلام دا هما جابوه منين، وأنا واحدة متجوزة ولسه مطلقة من قريب ومحصلش حاجة زي كده.