ميدو: كل مصري لازم يفتخر ببلده وشكر خاص للرئيس السيسي

أعرب الإعلامي أحمد حسام ميدو، عن سعادته بما تقوم به مصر في مؤتمر شرم الشيخ للسلام واحتفال السوشيال ميديا بالمشهد الدبلوماسي المشرف.

وقال: "ما قام به فخامة الرئيس عبدالفتاح السيسي هو شيء كبير وخطف أنظار العالم لأن مصر جمعت جميع رؤساء العالم من أجل السلام".

وواصل: "الرياضة جزء أصيل مما يحدث، ومصر دائمًا في الريادة، ومبروك لشعب فلسطين أن تعود الحياة لديهم بشكل طبيعي وكان عمل الرئيس في وقت طويل من أجل مصلحة مصر".

وأردف: "كل رؤوساء العالم كانوا لدينا وانبهروا بما قدمته مصر من أجل السلام وكل هذا تم التحضير ليه في أسبوع واحد بس لإننا مستعدين والكبير بيثبت انه كبير بالشغل".

كلنا ماشيين رافعين رؤوسنا بسبب اللي قدمه الرئيس السيسي

وأتم: "كلنا ماشيين رافعين رؤوسنا بسبب اللي قدمه الرئيس السيسي اللي مش بيتكلم كتير لكنه بيقدم كتير أوي لينا، وأما يجيي رئيس أمريكا ترامب ويتكلم إن مصر كانت سبب رئيسي في اللي حصل دي حاجة كبيرة وطبيعية في حق مصر لإننا دايمًا بتاريخنا الكبير بنتكلم عن نفسنا".

وواصل حديثه: "مش أي بلد تقدر تعمل اللي مصر عملته، ومهما اتكلم ناس كتير عن مصر مش هيأثروا في حاجة، إحنا في بلد لا يتم تهميشها، مصر بالقيادة السياسية تعدى كل الضغوط اللي اتحطت فيها من فتح المعابر وإن الفلسطينيين يدخلوا مصر زي ما هما مخططين لكن مصر تقف لهم من غير سلاح وتقولهم إحنا بلد الحرب لو عايزين حرب وبلد السلام لو عايزين السلام واتصدرنا المشهد بذكاء القيادة المصرية، الأسبوع دا كل مصري رافع راسه انه مصري كل العالم بيتكلم على مصر بس وعظمة المصريين".

اقرأ أيضًا:

وكيل بنتايج: الزمالك لم يسدد مستحقات موكلي حتى الآن (خاص)

قطر إلى المونديال للمرة الثانية في تاريخها بثنائية أمام الإمارات

جنوب أفريقيا تحسم تأهلها إلى كأس العالم 2026 بثلاثية ضد رواندا