ملك زاهر: بابا بيسيبنا نقع في الحفرة علشان نعرف الصح من الغلط

كشفت الفنانة ملك أحمد زاهر تفاصيل شخصية والدها أحمد زاهر الأب وليس الفنان الشهير الذي يحبه العديد من المعجبين، مؤكدة أنه أحسن أب في الدنيا.

ملك زاهر: بابا ذكي وأحسن أب في الدنيا

وقالت ملك أحمد زاهر في بودكاست "مع شريف إدريس" الذي يُبث عبر "تليجراف مصر" ومنصاتها الإلكترونية: “بابا هو أحسن أب في الدنيا علشان هو ذكي، بمعني إن في العموم أي أب وأم بفطرتهم بيخافوا على ولادهم بشكل جنوني فممكن لما يتصرفوا تصرف غلط أو تصرف سريع من غير ما يفكروا علشان يقدر يحمي ولاده”.

وتابعت: “بابا على قد ما بيخاف ويترعب علينا بس لما بيكون في مواقف هو عارف إن بنته لو مجربتش ووقعت في الحفرة برجليها وبعدين طلعت نفضت هدومها ورجعتلي يبقى عمرها في حياتها ما هتفهم إن ده غلط فهو عمل معايا كدا”.

ملك زاهر: عرفت قد إيه بابا ذكي بسبب الموقف ده

كما روت ملك زاهر تصرف والدها أحمد زاهر بسبب مواقف معين قائلة: “حصل موقف ما في حياتنا وأنا كان تصرفي غلط وماما كانت خايفة وقلقانة عليا إنما هو قالي جربي”.

واختتمت: “وفعلا عرفت بعدها إن ده مش حاجة صح وأن الموقف اللي حطيت نفسي فيه ده مش حلو وأنه كان معاه حق من الأول بس عرفت قد إيه هو أب ذكي علشان لو كان منعني كنت هفضل فاكرة طول الوقت اللي أنا كنت عايزاه ده هو الجنة وبابا اللي منعني عنها”.

اقرأ أيضًا: 

بعد مرورها بأزمة صحية.. ملك زاهر توجه رسالة خاصة لوالدها

فيلم ومسلسل.. ملك أحمد زاهر تكشف تفاصيل آخر أعمالها الفنية

عروسة بحر.. إطلالة ملك زاهر في حفل زفاف شقيقتها ليلى