"ملحمة الواحات"، والدة الشهيد إسلام مشهور: "ماكانش ابني ده كان ابن مصر"

في مثل هذا اليوم، 20 أكتوبر، سطّر عدد من رجال الشرطة أسماءهم في صفحات المجد بدمائهم الزكية، بعدما قدّموا أرواحهم فداءً للوطن خلال ملحمة الواحات البطولية، أثناء تصديهم لعملية إرهابية غادرة، دفاعًا عن أمن واستقرار المصريين.

والدة الشهيد إسلام مشهور تتحدث لـ"تليجراف مصر" في ذكرى استشهاده

وبمناسبة الذكرى السنوية لأبطال ملحمة الواحات، تواصلت "تليجراف مصر" مع والدة الشهيد النقيب إسلام مشهور، أحد أبطال هذه المعركة، التي أكدت أن ابنها كان يحلم منذ صغره بالالتحاق بكلية الشرطة، وهو ما تحقق له بالفعل حين تخرج عام 2012، ليلتحق بعدها بقطاع الأمن العام، ثم بقطاع العمليات الخاصة.

"كان بيتمنى الشهادة"

وأضافت والدة الشهيد: "ابني كان بيفرح جدًا لما بيشارك في العمليات ضد الإرهاب، وكان دايمًا بيحلم بالشهادة في سبيل الدفاع عن الوطن، وفعلاً ضحى بروحه هو وزمايله من غير تردد علشان إحنا نعيش في أمان. إسلام مش ابني أنا بس، ده ابن مصر كلها، لأنه ضحى بحياته علشان بلده، مش علشاني أنا لوحدي".

"إحنا عايشين بفضل تضحياتهم"

وتابعت حديثها قائلة: "إحنا بنعيش في أمان بفضل تضحيات الأبطال، سواء من رجال الشرطة أو الجيش، اللي قدموا حياتهم علشان نحنا نعيش. الحمد لله، دمهم مراحش هدر، ولما بشوف الإنجازات اللي بتحصل دلوقتي والأمن اللي إحنا فيه، بقول الحمد لله، وربنا يرحم كل الشهداء... لأن كل حاجة ممكن تتعوض إلا نعمة الأمن".

"الرئيس دايمًا سند لينا"

واختتمت والدة الشهيد حديثها بتوجيه الشكر للرئيس عبدالفتاح السيسي، قائلة: "بشكر سيادة الرئيس لأنه دايمًا في ضهرنا ومش سايبنا، وربنا يقويه على الحمل الكبير اللي شايله، ويارب بلدنا تفضل دايمًا بخير وتتقدم وتكون أحسن بلد في الدنيا".

اقرأ أيضًا:

الذكرى الثامنة لملحمة الواحات، يوم ارتوت فيه رمال الصحراء بدماء الأبطال

أرملة اللواء امتياز إسحاق: عرفنا بطولاته بعد استشهاده بملحمة الواحات