حسام داغر: "تيك توك" أصبح وسيلة تدريب للممثلين، وسناء جميل ألماظ نادر

إسلام إبراهيم وحسام داغر

محمود حجاب

A . .A

كشف الفنان حسام داغر خلال لقاء جمعه مع الفنان إسلام إبراهيم، عن وجهة نظره في تطبيق "تيك توك"، معتبرًا أنه لم يعد مجرد وسيلة للترفيه، بل أداة يمكن للممثلين الاستفادة منها لتطوير مهاراتهم التمثيلية.

"تيك توك" وسيلة تدريب فعّالة للممثلين

قال حسام داغر من خلال بودكاست “شقة التعاون”: "أنا أول ما طلعت تيك توك كنت مستغرب إن الناس بتعمل لبسينج، لإنهم كانوا بيجيبوا مشاهد ليّا من أعمالي ويقلدوها، ويسألوني رأيك إيه في التمثيل؟ وأنا كنت أرد: دا صوتي أنا!".

وأضاف: "بعد كده بدأت ألاحظ إن فيه ميزة رهيبة في الموضوع، لإن اللي بيعمل لبسينج بيتعلم يحفظ ريآكشنات وشه، وده بيساعده بعدين لما يمثل دور جديد، يبقى عنده مخزون من التعابير".

الممثل العادي يعيش بعدد محدود من الريآكشنات

وتابع داغر: "فيه نظرية بتقول إن الإنسان العادي ممكن يعيش حياته كلها بكام ريآكشن بسيط ما بيغيرهمش، لكن اللي بيلعب بريآكشنات كتير زي اللي بيعملوا لبسينج، بيخزنها في دماغه وبيعرف يستدعيها بسهولة وقت التمثيل".

وعلّق إسلام إبراهيم ضاحكًا: "شوف التحليل العلمي لما يكون الدكتور في التمثيل بيتكلم، بيحلل اللبسينج والريآكشنات كأنها محاضرة!".

لعبة "جمل الأفلام" بين حسام داغر وإسلام إبراهيم

وخلال اللقاء، اقترح داغر على إسلام إبراهيم لعبة مسلية كان يحبها مع أصدقائه: "هقولك جملة وإنت تقول من فيلم إيه أو مين قالها"، ليرد إسلام بحماس: "يلا نجرب".

بدأ حسام داغر اللعبة بجملة شهيرة، قائلاً: “ياااه.. إحنا صغيرين أوي يا سيد”، ليرد عليه إسلام إبراهيم بابتسامة: "فيلم اضحك الصورة تطلع حلوة"، لتسود أجواء من الضحك والمرح بين الثنائي أثناء الحوار.

سناء جميل.. عشق خاص ومصدر إلهام

تحدث إسلام إبراهيم بحب كبير عن الفنانة سناء جميل، قائلًا: "أنا بعشق سناء جميل مش بس في التمثيل، بعشقها في ثقافتها وطريقتها في الكلام، كانت وجهة مبهرة".

وأضاف إسلام إبراهيم: "هي شبهي في حتة التفاصيل، بتحب كل حاجة تبقى في مكانها، وأنا كده بالضبط".

الممثلون مثل المعادن.. وسناء جميل “ألماظ نادر”

واختتم داغر حديثه بمقارنة لافتة بين الممثلين والمعادن، فقال: “في فرق بين الممثلين، عاملين زي المعادن، يعني تلاقي مثلا في حد ألماظ، وفي حد نحاس، في حد ياقوت، سناء جميل في حتة لوحدها، معدن غالي جدًا، هي حطت نفسها في حتة إن أنا ألماظ، أنا في حتة غالية جدًا جدًا، لإن الجملة اللي إحنا قلناها (إحنا صغيرين أوي يا سيد)، لو جبنا ممثلة تانية قالتها ممكن تعدي عادي”.

"اعداء الشمس".. حسام داغر يشارك في مهرجان مانشستر بفيلم "البينو"

"40 يومًا" يواصل حصد الجوائز.. ماذا قال حسام داغر؟