حقيقة ولا مقلب؟.. خناقة عروسين بسبب "بدلة الفيرست لوك"

“إحنا متفقناش على البدلة دي”، بهذه الكلمات اشتعل خلاف قوي بين عروسين أثناء النظرة الأولى قبل الفرح، أو ما تعرف بـ"الفيرست لوك"، كما بدا في مقطع فيديو جرى تداوله بشكل كبير على وسائل التواصل الاجتماعي.

ظهر العريس في الفيديو وهو يقدم لعروسه “بوكية الورد” الذي تجاهلته ونظرت إلى "بدلته" وعلقت "هو إيه ده؟ إيه التهريج ده؟ ده أكيد مقلب أو تهريج مش دي بدلة الفرح اللي اتفقنا عليها، مش معقولة دي تكون بدلة فرحنا، لا يمكن تكون دي موضة، أنا مش همشي معاك كدة".

العريس بدا هادئا ورد على انتقاد عروسه بقوله، “قولتلك كذا مرة مش عايزين ننكد، دا حتى النهاردة فرحنا، إهدى وبطلي جنان، الناس مستنيانا وأنا قولتلك ملكيش دعوة باللي أنا لابسه”، مع إشارته إلى بدلة سوداء مشغولة بتطريز لامع.

تعليقات الجمهور

تفاعل عدد كبير من رواد مواقع التواصل الاجتماعي على الفيديو المتداول، وكان من ضمن التعليقات “يعملوا مصايب سودة ويقولك بتنكدي عليا، بدلة الساحر وديل الفار وأسورة وخاتم أخضر، مبروك ياعروسة خدتي اللي فيهم، كنتي عديها يا فوزية”.

وسخرت بعض التعليقات الأخرى من الفيديو، قائلة: "مش بدلة فرح دي يامحمد، أنا منبة عليك ماتجيش بلبس الشغل"، و"أنا كنت مستنياه هو اللي يعترض على الفستان"، و"على فكرة هو طالع أشيك وأحلى منك".

فبركة الفيديو

بينما شكك البعض في كون صحة الفيديو، أو بالأدق أن الموقف متفق عليه، بسبب استمرار التصوير على الرغم من الخلاف الدائر بين العروسين، وهو كان رأي كتب فيه "أحسن حاجة الراجل اللي بيصور والراجل اللي معاه الإضاءة مش عارف الناس وصلت للتمثيل للدرجة دي إمتى".

لم يكن هذا الفيديو هو الوحيد الذي تصدر تريند مواقع التواصل الاجتماعي، ولكن تفاعل الجمهور مع فيديو جديد لم يتجاوز الدقيقتين وذلك بسبب ما احتواه، فالشجار الذي حدث بين العروسين تفاخم ليبدأ العريس في ضرب العروس أمام جميع الحضور.

تمثيل وانتقادات

وهو ما وصفه أيضا بعض متابعي الفيديو، أنه مجرد تمثيل، فكان من ضمن التعليقات، "معقولة يعني في فرح من غير أهل ومعقولة في خناقة كل اللي واقف فيها بيضحك ويصور بطلوا تمثيل".

على الجانب الآخر، انتقد البعض العروس بعد استكمال الفرح، فكان من بين التعليقات، "وكنا هنسيب بعض وكنا؟!!، هو بعد الشتايم دي رجع تاني، وأيه الفرح اللي نسيتوا تدعو فيه أهاليكم ده".