"بيتنمروا على أختي المعاقة"، الأمن يفحص استغاثة فتاة من جيرانها في الإسماعيلية

تفحص الأجهزة الأمنية بوزارة الداخلية، مقطع فيديو جرى تداوله بمواقع التواصل الاجتماعي، تظهر خلاله فتاة مُبدية تضررها من جيرانها لتعديهم عليها وعلى شقيقتها "من ذوات الهمم" لتحصلهم على شقتين ملكهما بالإجبار.

استغاثة فتاة من جيرانها بالإسماعيلية 

وقالت الفتاة في منشور عبر “فيسبوك”: "أنا اسمي رؤى، بابا متوفى وإحنا صغيرين وعايشة مع أختى المعاقة ذهنيا وماما اللى داخلة على سبعين سنة، ومقيمين فى مدينة المستقبل بمحافظة الإسماعيلية، وجارنا اللى تحت يدعى "نادر.ا.ع" واخد شقة ومحولها محلات مخالفة، وبيتنمر علينا وبيحدف علينا زلط وزجاج كل يوم، دا غير الشتايم، وبيقول على أختي يامجنونة وهى واقفة فى البلكونة، وبيعملو حركات قذرة ليها". 

طمعان فى الشقتين وعايزهم ببلاش

وأضافت الفتاة: “أختي أعصابها تعبت ومش عارفة أعمل إيه، هو وأصحابه وأبوه وأخوه وبيأجر ناس كمان بيمارسوا علينا كل أنواع البلطجة علشان طمعان فى الشقتين اللى إحنا نملكهم، وعايز يمضيني على وصل أمانة بالعافية وبيهددني علشان ياخد الشقتين ببلاش”.

ترهيب وتهديد

وأكلمت صاحبة المنشور: “إحنا فى بلد فيها قانون مش غابة، لكن هما للأسف بيتعاملو معانا كأن البلد مفيهاش قانون، ترهيب وتهديد، انجدونى أنا عايشة فى رعب وعدم الإحساس بالأمان لدرجة إني مش عارفة أروح أعمل محضر فيهم، لأنهم بيهدودنى لو نزلت من البيت هايأذونى وأنا مستكفية بقدر ربنا ومراعاة أختى وماما، لكن مقدرش استحمل ظلم بشر، أختى كل شوية تقولى عايزة حقى وعاملة اضراب عن الاكل انجدونا بخاطب كل القلوب الرحيمة إنها تساعدنا”.

اقرأ أيضًا: 

"جبروت امرأة".. سيدة تهدد جارها وتمنعه من بيع منزله بكفر الشيخ (خاص)

أول تعليق من سيدة كفر الشيخ بعد اتهامها بمنع جارها من دخول منزله

مأساة سيدة بسبب خطأ طبي.. سعدية سمعان تستغيث بـ"الصحة" لإنقاذها (فيديو)