"لا كان عندي Family Busines ولا نيلة"، آسر ياسين يكشف تفاصيل معاناته مع الفن

تصدر الفنان آسر ياسين، ترند مواقع التواصل الاجتماعي، بعد تصريحاته الأخيرة عن بداياته في عالم الفن، واصفًا تلك الأيام بالمعاناة.

الحياة بعد الجامعة

وقال آسر ياسين، خلال لقائه في بودكاست “حوارات مع عباس”،:"أنا كنت بروح الانترفيوهات وأتقبل وأنا اللي أقولهم لا أنا عندي Family Busines، أنا ولا عندي Family Busines ولا نيلة، فأنت خارج مهندس من جـامـعة أمريكية وبيتقالك ممكن تروح هنا وهنا وشايف صحابك اللي سافر فرنسا واللي راح أمريكا واللي قعد هنا، لابتوب، عربية، اللي هيبتدي يشوف صاحبته هيخطبها أو هيتجوزها".

عشق التجربة

وتابع:"أنت رايح لوكيشن تصوير فيلم أو مسلسل ما حدش عارف عنك أي حاجة.. فاكر إنك هتبقى عمر الشريف الجاي.. طبعًا كنت لازم آخد على دماغي.. كنت بقعد في أوضة فيها 15 واحد قـاعـديـن، اللبس بييجي يترمي قدامك بمبدأ إلحق إلبس، بس بيظل ده جزء من التجربة اللي أنا بعشقها، محدش عارفك لسه".

واختتم:"طيب أنا عايز أكل، أروح أقف على عربية البريك قدام الميكروباص اللي بيطّلع الأكل، فتسأله الأكل إيه؟.. يقولك فيه جمبري أو فراخ، تقوله جمبري، يقولك لأ مفيش غير فراخ، وتاخد الساندوتش تروح تقعد على جنب".

أحدث أعمال آسر ياسين

ويستعد الفنان آسر ياسين لتقديم فيلمه الجديد بعنوان "وتر واحد""،رفقة مؤدي الراب أحمد علي الشهير بـ"ويجز".

وكشف آسر ياسين، تفاصيل شخصيته في العمل، حيث قال خلال لقائه مع برنامج “إي تي بالعربي”: "هو مدير أعمال للمواهب والموهبة اللي بيديرها هي شخصية ويجز، الدور حلو جدًا من أحلى الأدوار اللي قريتها في سيناريوهات قبل كده فيه أدوار معينة مزيج بين التناقضات هو دور غني جدًا".

اقرأ أيضًا:

وشم وحلق.. آسر ياسين يكشف تفاصيل دوره في "وتر واحد"

سر ظهور آسر ياسين وتارا عماد ومايان السيد في حفل ويجز

بعد أزمة "الحلق".. والدة آسر ياسين تصدم متابعة بهذا الرد