ميدو: الزمالك رجع يكسب بعدما بقى عنده مدرب حقيقي

أعرب الإعلامي أحمد حسام ميدو، عن سبب عودة الزمالك للانتصارات من جديد في الدوري المصري بعد حصد الثلاث نقاط أمام نظيره طلائع الجيش.

وقال ميدو: "الزمالك رجع يكسب بعدما بقى عنده مدرب، الفترة الأخيرة الزمالك كان من غير مدرب، فيريرا ارتكب كل الأخطاء الممكنة من أي مدرب هاوي، وكانت بداية مشاكله في كلامه بالمؤتمرات الصحفية".

إخطاء فيريرا مع الزمالك

وأردف: "تحياتي لعبدالرؤوف رغم إنه جه في وقت صعب، لكن هو مدرب كورة حقيقي ودا بيظهر مع التغييرات وأجواء المباراة المختلفة وإن دايمًا عنده خطة بديله وهو دا المطلوب".

وأتم: "فيريرا كان لازم يمشي بعد ماتش دجلة، المدرب واضح من الأول إن ملوش في التدريب ومفيش أسلوب لعب للمدرب وأساسيات التدريب مش عنده أصلا، وأول مدرب في حياتي أشوفه بيلعب من غير لاعب رقم 6”.

وأكد: "مباراة الأهلي خير دليل على كلامي ككلام كورة، أنت مسيطر على المباراة ومتقدم ومش عارف تسيطر على المباراة أو تستغل مشاكل اللي قدامك وتزود التقدم الخاص بيك في النتيجة، الزمالك عنده فريق كويس يقدر ينافس والأساس مبني صح في النادي يخليك تنافس على الدوري لكن كانت مشكلتك ان مفيش مدرب".

وقال: "مدرب مش عارف يتكلم في المؤتمر الصحفي وطالع يقول متقوليش هارد لك بعدما خسر ضد المقاولون العرب وبيعمل مشاكل مع لعيبته فبالتالي باقي اللعيبة هتحترمك إزاي وفي الآخر تضطر تنزله يشارك ودا يبوظ صورتك قدام لاعيبتك، فيريرا كورة وشخصية هو أسوأ مدرب درب الزمالك آخر 15 سنة".

اقرأ أيضًا:

استعدادا للسوبر المحلي.. بعثة الأهلي تصل مطار دبي

مفاجآت في قائمة الزمالك استعدادا للسوبر المحلي