"الناس كانت واقفة تتفرج"، أول تعليق من فتاة تحرش بها خليجي مخمور في القاهرة (خاص)

ثارت حالة كبيرة من الجدل بعد انتشار فيديو مؤسف، يظهر فيه شاب خليجي، وهو يتحرش بفتاة مرتدية بالطو أسود في أحد الشوارع قرب أبراج النايل سيتي بالقاهرة.

تحرش في عز النهار

تواصلت "تليجراف مصر"، مع الفتاة الضحية التي كشفت تفاصيل تعرضها للتحرش في عز النهار، وأما أعين المارة دون تدخل أحد لمساعدتها. 

وقالت الفتاة الضحية (فضلت عدم ذكر اسمها)، : “كنت خارجة من شغلي أجيب حاجة من عربيتي، وأرجع تاني وكان معايا مكالمة، وفجأة في نص الشارع لقيت شخص بيتهجم عليا وبيجري ورايا وبيمسكني من جسمي في نص الشارع في عز الظهر وكان واضح جدًا عليه إنه سكران وكان في عربية هتخطبني بسببه”.

الناس كانت بتتفرج

وأضافت، “الناس كلها كانت واقفة تتفرج، وأنا بصرخ ومحدش تدخل غير شخص واحد، ورجعت بعدها أسأل في المكان اللي هو خارج منه وكان في تعاون كبير منهم وحاولوا يساعدوني على قد ما يقدروا ولكن الشخص اللي عمل كده هرب”.

مش هسيب حقي

وتابعت، “مقدرتش أروح أعمل محضر لأن أعصابي كانت تعبانة، ولكن أنا عندي ثقة كبيرة في أجهزة بلدي إنها هتجيب حقي لأنه كان هيتسبب في موتي وكمان اتعدى عليا واتحرش بيا وأنا مش هسيب حقي”.

فحص الفيديو

ومن جانبها تعمل الأجهزة الأمنية بوزارة الداخلية على فحص الفيديو المنشور، لتحديد هوية المتهم والقبض عليه تمهيدًا لاتخاذ الإجراءات القانونية اللازمة.

اقرأ أيضًا:

لاحقها وركض خلفها، الأمن يفحص فيديو ذات البالطو الأسود

واقعة الدقهلية تتكرر في الحوامدية، شباب يحطمون سيارة محاسب عاتبهم على مغازلة زوجته (فيديو)

فرّ هاربًا عقب نزولها، ضبط سائق تحرش بامرأة في الإسكندرية

ضبط سائق بشركة توصيل شهيرة تحرش بفتاة في مدينة نصر