الكشف عن التقرير الطبي لـ"سيدة حلوان" المعتدى عليها من زوجها وأسرته

حصلت "تليجراف مصر" على صورة من التقرير الطبي الصادر عن المستشفى العام، والخاص بـ“مريم عماد” السيدة التي ظهرت في مقطع فيديو تستغيث فيه من التعدي عليها من زوجها وأسرته داخل مسكنها في منطقة حلوان.

التقرير الطبي لسيدة حلوان 

وبحسب ما ورد في التقرير الطبي، فإن المعاينة الأولية سجّلت وجود كدمة بالعين اليسرى، بالإضافة إلى خدوش بالخدين الأيمن والأيسر، وكدمة بالشفة العلوية وسحجات بالساعد الأيسر.

كما أوضح التقرير أن المريضة سوف تعرض على استشاري الرمد واستشاري الأسنان.

شقيق زوج سيدة حلوان يروي تفاصيل الواقعة

وظهر “هشام علي” شقيق زوجها في فيديو عبر صفحته على “فيسبوك”، ليروي رواية مغايرة لما جاء في فيديو مريم، مؤكدًا أن ما نُشر عنهم بحسب قوله، غير صحيح.

وقال شقيق الزوج: “إحنا اتشهر بينا ظلم من مرات أخويا السابقة، هي اللي شوهت سمعتنا قدام الناس، خدعته وخدعتنا كلنا”.

وأضاف، "بتدّعي إنها مظلومة وعايزة تكسب تعاطف الناس مع إنها كانت واقفة قدامنا بتصور وتفتح لايف، ولو إحنا ناس مؤذية زي ما بتقول، هل كنا هنسمح بده أصلاً؟".

وتابع، “افتعلت إصابات عشان تتهمنا، والحقيقة إنها هي اللي ضربت أمي وزوجة أخويا التاني بالأقلام، ومحدش لمسها، وكله متسجل بالفيديوهات، وهيروح للنيابة”.

وأكمل، “لو كنا دافعنا عن ستاتنا وضربناها، أنا شايف إن دي رجولة، بس والله العظيم ما حصل، وكل اللي حصل ظلم واضح اتعرضنا له”.

وأوضح، “اكتشفنا بعد 6 شهور بس إنها واخدة تمكين من 3 سنين، وجوزها مسافر وشقيان في السعودية، ومع ذلك ما راعتش حتى البنت اللي عايشة بينهم ولا ظروفها”.

واختتم هشام، “رفعت قضايا على أخويا في السعودية بخصوص نفقة سابقة، وحلفت قسم زور قدّام القاضي هناك، وكل ده عملته مؤخرًا لأنها طمعانة في أخويا اللي شغال في السعودية، وعايزة تاخد منه 24 ألف ريال، أما الإصابات اللي ظهرت بيها فهي مفتعلة، وبتعور إيديها في الترابيزة عشان تقول إن إحنا اللي عورناها".

اقرأ أيضًا:

"عروسته الجديدة ضربتني"، الأمن يفحص فيديو استغاثة سيدة من زوجها بحلوان