مدحت عبدالهادي: علاقتي بخالد الغندور قوية، ولا توجد أي أزمة بيننا

أكد مدحت عبد الهادي، نجم الزمالك السابق، أن علاقته بخالد الغندور جيدة للغاية، نافيًا وجود أي خلاف بينهما على خلفية لقائهما في عزاء الراحل محمد صبري.

وقال عبد الهادي خلال مداخلة هاتفية ببرنامج ستاد المحور مع خالد الغندور: “يا خالد مفيش حاجة، أنت عديت من غير ما تاخد بالك ورجعت سلمت علي وبوستني، أنت كابتني ورمز كبير من رموز الزمالك، وإحنا في وقت حزن ومش ناقصين كلام أو شائعات”.

وأضاف: “أنا سعيد بالمشهد اللي شوفته النهاردا من حب للراحل محمد صبري، وسعيد إن أسرته شافت مقدار التقدير الكبير ليه”.

وتابع: “رحيل محمد صبري كان صدمة كبيرة لينا، لكن اللي حضروا العزاء وحالة الحب اللي شفناها خلتني أحس براحة غريبة، وبشكر الجهاز الفني للأهلي وكل مسؤولي الأندية اللي قدموا واجب العزاء”.

وأكد: “زوجة وأبناء محمد صبري شعروا بالراحة لما شافوا كمّ الحب اللي اتقدم لفقيدهم، وصبري كان بالنسبة ليا حد غالي جدًا”.

واختتم عبد الهادي حديثه: “أنا ومعتمد جمال وأسامة نبيه كانت بينا علاقة قوية جدًا بصبري، وبعد العزاء قعدنا مع أسرته واتفقنا على خطوات مهمة لدعم أبنائه خلال الفترة المقبلة”.