"عضّني وجاب سيرة أمي"، ماذا قال المتهم بجريمة "طفل الإسماعيلية" في التحقيقات؟

حصلت “تليجراف مصر” على نص أقوال الطفل “يوسف.أ”، المتهم بقتل صديقه “محمد” وتقطيع جسده إلى أجزاء والتخلص منها بإلقائها في أماكن مهجورة بالإسماعيلية، حيث كشف عن تفاصيل صادمة خلال اعترافاته.

وجاءت أقوال المتهم كالآتي:

اعترافات طفل الإسماعيلية

س: ما الدافع وراء ارتكابك الجريمة؟

ج: هو في الأول أنا مكنتش هعمله حاجة بس لما عورني في إيدي، أنا اتعصبت وروحت ضربته بالشاكوش في رقبته جامد من غيظي، ولما لقيته بيطلع في الروح خوفت الجيران تسمع فروحت ضربته بالسكينة على دماغه وساعتها اتأكدت إنه مات وقطعته بالصاروخ، بس هو غاظني وعضّني لما قالي أمي أحسن من أمك اللي اتجوزت أي حد وعورني في إيدي بالكتر اللي كان معاه.

ج: لما ضربته بالشاكوش أنا كنت بدافع عن نفسي عشان هو كان معاه كتر وعورني بيه في  إيدي بس أنا بعد كده لما ضربته بالشاكوش لقيت وهو بيتنفس بيعمل صوت عالي قوي وأنا كنت قلعته هدومه ساعتها بالكامل، جبت سكينة وضربته بيها في دماغه، هنا كنت عايز أموته عشان الصوت يقف، لو حد سمعه ودخل وهو قالع كده هيفتكر إننا كنا بنعمل مع بعض حاجة غلط، وقصدي من تقطيع الجثمان إنه يبقي سهل عليا أنقله لأماكن مختلفة.

س: ما الفترة الزمنية المستغرقة بين تعديك على المجني عليه بالشاكوش وطعنه بالسكين؟

ج: حوالي 10 دقائق تقريبًا.

س: ما سبب انتظارك لذلك الوقت حتى قيامك بالتعدي عليه بالسكين؟

ج: عقبال ما فكرت أعمل إيه وجه في بالي ساعتها أن أخفي الجثمان بعد ما أقطعه زي ما شوفت في المسلسل بس لقيته لسة فيه الروح وصوته بقى يعلى فرحت مخلص عليه بالسكينة.

س: ما سبب تواجد تلك الأدوات والأسلحة بمسكنك؟

ج: الشاكوش والصاروخ بتوع شغل أبويا في الورشة بس هو سايبهم في البيت عشان لو حاجة باظت يصلحها وبكر اللاصق في البيت عادي.

س: ما سبب شرائك لباقي الأدوات؟

ج: أنا اشتريت أكياس الزبالة عشان أفرش المشمع تحت محمد وأنا بقطعه بس لما منفعتش لزقت كل جزء من جسمه بالشمع بعد ما قطعته وبعدين الأكياس السودة الكبيرة عشان أحط فيها الأجزاء اللي قطعتها.

س: هل كان ما زال على قيد الحياة قبل طعنك له بالسكين؟

ج : هو كان بيفرفر وصوابع إيده كانت بتتحرك وكان بيعمل صوت عالي وهو بيطلع في الروح.

س: ما هي المدة المستغرقة لارتكاب الجريمة؟

ج:  من وقت ما ضربته بالشاكوش لحد لما قطعته وكيسته وحطيت الحاجة تحت السرير أخدت وقت حوالي ساعتين إلا ربع، ولحد لما أخدت جزء جزء وروحت رميته أخذت وقت كمان حوالي أربع ساعات، لإنى كنت برروح منطقة کارفور رايح جاي مشي على رجلي والمشوار كان بياخد رايح جاي حوالي نص ساعة وكنت برتاح من المشوار حوالي خمس دقايق يعني 7 ساعات.

تفاصيل قضية “طفل الإسماعيلية”

تعود تفاصيل الحادث إلى المحضر رقم 3625 لسنة 2025 إداري مركز الإسماعيلية، عندما استدرج المتهم زميله إلى شقته بمنطقة المحطة الجديدة بدعوى استعادة هاتف مسروق، قبل أن يقتله ويقطع جثمانه باستخدام منشار كهربائي، في واقعة صادمة أثارت حالة واسعة من الغضب في الشارع الإسماعيلاوي.

اقرأ أيضًا..

"كان عايز يفضحني"، ننشر اعترافات المتهم بجريمة طفل الإسماعيلية (خاص)