ابنة محمد رحيم في ذكرى رحيله: بدور على صوتك في كلامي

وجهت ماس، ابنة الملحن الراحل محمد رحيم، كلمات مؤثرة لوالدها في ذكرى رحيله اليوم، مؤكدة أنها شعرت بفقدان روحها وشغفها بالحياة بعد رحيله، كما شاركت بعض التفاصيل من الذكريات التي جمعتهما معًا.

ماذا قال ماس رحيم في ذكرى رحيل والدها؟

ونشرت ماس رحيم صورة لها برفقة والدها الراحل محمد رحيم عبر حسابها الرسمي على منصة “إنستجرام” معلقة عليها: "فكرت كتير في الكلام اللي نفسي أقوله النهاردا، واللي عارفاه كويس أوي إنه هيوصلك وهتحس بيا عشان اللي بيني وبينك مكانش وعمره ما هيكون في الأرض وانتهى عليها وبس، يمكن بقالي 3 شهور بحاول أجمع كلامي وبقالي سنه بحاول أصدق، أنا بقيت أدور عليك في تفاصيل عمري.

وتابعت: “بدور على صوتك في كلامي وملامحك في مرايتي وفي وشوش إخواتي وأهلنا، كل ما بتوحشني يا بابا بتفرج عليهم وبشوفك فيهم كل كلامك يهمني، وأي حاجه كانت بتيجي في بالك ولو ثانيه كانت بتشغل تفكيري ويمكن عشان كدا أنا مش بنسى”.

وأضافت: “أنا كنت بشوف حركاتك وتعبيراتك ومش بعيوني وخلاص أنت ليك مكان خاص جوه قلبي، وكل ما أفتكر ذكراياتنا وأرجع للماضي، من كتر إحساسي بيك، بحس إن اللحظة لسه عايشه ولسه بنتمشى في الشارع وأنا بغني بصوت عالي، عشان أنا وهارتي نضحك ونتكسف وأنت تضحك على رد فعلنا، أنا فقدت روحي ونفسي وإحساسي وإدراكي وشغفي، لما أنت مشيت، ولكن كل مرة بفتكرك فيها واللهِ واللهِ بيرجعولي تاني، ولو حد عايزني في حاجة بجد يحلفني بعيونك”.

واختتمت: “ذكرى أليمة وبتوجعني وبتحطمني ولكن كفايه عندي إني بفتكرك أنت، ورب العالمين رزقني بيك وخلاني بنتك وخلى حبك في قلبي كبير كدا، عشان توحشني أوي، ادعو لـ قلبي بالرحمة والمغفرة”.

رحيل محمد رحيم

ودع الملحن محمد رحيم دنيانا في 23 نوفمبر 2024، إثر أزمة قلبية مفاجئة، وشُيّع جثمانه من مسجد الشرطة في الشيخ زايد، في جنازة حضرها عدد كبير من نجوم الوسط الفني، كان أبرزهم محمد منير، وتامر حسني، وعزيز الشافعي، ومصطفى كامل، وأحمد زاهر، وحميد الشاعري، ولؤي، وغيرهم من النجوم الذين حرصوا على توديعه وتقديم العزاء لأسرته.

اقرأ أيضًا: 

شقيق محمد رحيم في ذكرى رحيله: "كنت عايش وسط طماعين خططوا لنهايتك"

أنوسة كوتة تكشف مفاجأة: "ابني مايعرفش إن والده توفى"

"هفضل أعيط يا رحيم"، أنوسة كوتة توجه رسالة مؤثرة لزوجها قبل حلول ذكرى رحيله