هيدي كرم تشارك نصائحها حول القرارات الخاطئة في الحياة

نشرت الفنانة هيدي كرم مقطع فيديو عبر حسابها الرسمي على إنستجرام، قدمت خلاله مجموعة من النصائح حول القرارات الخاطئة في حياتنا، مؤكدة أن الجميع يخطئ، وأن الاعتراف بالخطأ خطوة قوة وليست ضعفًا.

هيدي كرم: قرارات خاطئة تكلف وقتًا ووجعًا وخسائر كبيرة

قالت هيدي في الفيديو: "السلام عليكم… النهارده جاية أكلمكم عن حاجة مبناخدش بالنا منها، وبتكلفنا وقت ووجع وخساير كبيرة.. كلنا بناخد قرارات غلط، زي مثلًا قرار الهجرة لبلد تانية، وتكتشف في النص إن القرار دا مش مناسبك، وإنك عايز ترجع بلدك، أو تسيب شغلك وتروح شغل تاني وتكتشف إنه مش بتاعك، أو تدخل علاقة مش مناسبة وتكابر عشان محدش يقول إنك غلطت، وده أكبر غلط".

ذكريات من المدرسة ونصيحة لا تُنسى

واستعادت هيدي نصيحة قديمة من مدرس التاريخ، قائلة: "مستر جورج الله يمسيه بالخير قالي: مش غلط إنك تغلط، الغلط وكل الغلط إنك تكمل في الغلط وتكابر فيه".

وأضافت: "القرار الغلط نعمة كبيرة… لأنه بيعلمك عن نفسك، وعن اللي عايزه واللي مش عايزه. متخافوش من الغلط… الخوف بيخليك لا تسافر، ولا تغير شغلك، ولا تدخل علاقة. لازم ناخد قرارات ونستحمل احتمالية إنها تكون صح أو غلط، لأن من القرار الغلط بنتعلم".

وتابعت: "مش عيب تغلط… العيب إنك تكمل وتكابر. اسأل نفسك: استفدت إيه وأنا مكمل في شغل أو علاقة أو مكان أنا مش مرتاح فيه؟ اللي بيضيع وقتك وفرصك وسعادتك هو الإصرار على الاستمرار في الغلط".

وأكدت على أن الاعتراف بالخطأ قوة، قائلة: "اعترف بغلطك لنفسك وللناس، ارجع خمس خطوات وراجع قرارك، واقفل الباب وماتندمش، الندم بيحبسك مكانك. اسأل نفسك غلطت في إيه وازاي متغلطش تاني، وابدأ من جديد. القرار الغلط بيعلمك كتير، وهيخليك أقوى وأشجع".

وختمت رسالتها للمشاهدين قائلة: "أوعوا تخافوا ترجعوا في قراراتكم الغلط… خافوا إنكم تكملوا فيها عشان الشكل، اللي بيحبك هيفرحلك، واللي مش بيحبك كده كده هيشمت فيك. قوم يا بطل، اغسل وشك، واستهدى بالله، وارجع في قرارك الغلط وابدأ من جديد… صباحكم فل".

اقرأ أيضًا:

“أنا مش فاضيلكوا”، هيدي كرم تثير الجدل بعد زواج مي عز الدين وأحمد تيمور

هيدي كرم لربات البيوت: مش لازم تكوني كيرفي ومعظمنا إيديت أو فوتوشوب

بعد اكتمال مبلغ تبرعات الطفل علي.. هيدي كرم: فخورة إننا مصريين