لو هموت مش هسيب حقي، حلمي عبد الباقي: ولادي هيقولوا إيه بعد إهانتي اللي سمعوها

علق الفنان حلمي عبدالباقي، وكيل أول وعضو مجلس نقابة المهن الموسيقية، على عدم رده على الاتهامات التي اُتهم بها خلال الاجتماع الأخير بين أعضاء المجلس والنقيب مصطفى كامل،

وقال عبدالباقي، في بث مباشر عبر صفحته الرسمية على فيس بوك، إنه قدم الكثير لخدمة الجمعية العمومية منذ سنوات.

وأضاف: "عايز أسأل الجمعية العمومية كلها: هل في يوم قصرت مع حد؟ أيام النقيب السابق هاني شاكر كنت ماسك لجنة الخدمات، وأيام الكورونا كنت بنزل أسلم الجوابات للناس عند بيوتها، وعملت بروتوكولات مع المستشفيات لخدمة الأعضاء، ومقصرتش مع حد أبدًا".

ووصف تعرضه مؤخرًا لاتهامات بـ"المؤامرة والمزايدة" دون أسباب واضحة، مؤكدًا استغرابه من تلك الاتهامات وأن أي اعتراض على خدمته للأعضاء يعد من وجهة نظره محاولة لزعزعة النقابة، موضحًا: أي حد بيعترض على حاجة يبقى بيزايد وبيتآمر.. فيه ناس عايزة تهد النقابة.

تفاصيل إهانة وسب حلمي عبدالباقي

وحول التسجيل الصوتي المسيء له، تابع : تفاجأت بتسجيل صوتي بتهان فيه وبتشتم بكلام جارح وصعب يتقال على حلمي عبدالباقي، لأني كنت واقف معاك في الانتخابات ولفيت بيك مصر كلها،  لكن ناس دخلت ودنك وقالولك إن حلمي بيخدم الناس عشان عايز يبقى نقيب، وإنت للأسف صدقت.

وختم حديثه قائلاً: أنا راجل محترم وليا أسرة محترمة وزوجة وأولاد.. لما يسمعوا الكلام ده على أبوهم المحترم هيقولوا إيه، واختتم رسالته: أنا مش هسيب حقي.. لو سيبته أموت أحسن والأيام الجاية هي اللي هتبين.

اقرأ أيضاً:

أعضاء مجلس "الموسيقيين" يواسون أهل المطرب إسماعيل الليثي

بعد جراحة دقيقة.. حلمي عبدالباقي يكشف تطورات حالته الصحية

حلمي عبدالباقي يحيي حفل "الموسيقى العربية" الإثنين