بعد حريق ستوديو مصر، محمد إمام يعود لتصوير "الكينج"

محمد إمام يعود لتصوير "الكينج"

A . .A

عاد فريق عمل مسلسل الكينج من جديد لتصوير مشاهد المسلسل، بعد الحريق الذي تعرض له لوكيشن التصوير داخل ستوديو مصر يوم الجمعة.

ونشر المنتج عبدالله أبوالفتوح عبر حسابه على تطبيق "إنستجرام"، بعض الصور من تصوير المسلسل بتعليق "بعون الله ومشيئته استئناف تصوير مسلسل الكينج، استنونا في رمضان 2026".

“الناس كانت بتتخانق”، شاهد عيان يروي اللحظات الأولى لحريق ستوديو مصر

شهد ستوديو مصر بمنطقة المريوطية في الجيزة، الجمعة الماضي،، حريقًا هائلًا شبّ داخل موقع تصوير مسلسل الكينج لمحمد إمام.

وقال شاهد عيان، في مقطع فيديو لـ "تليجراف مصر": “كنت في البيت ولقيت صاحبة أختي بتتصل بيها بتقولها في حريق عندكم في الاستوديو، طلعنا نبص من الشباك ولقينا زحمة قدام الاستوديو، وطلعنا بعدها على السطح ولقينا حريق ضخم ماسك في المكان كله”.

وأضاف الشاهد: “الدخان كان كتير جدًا عامل زي السحابة، وكنت شايف ناس بتسند المصابين بس معرفش عددهم كام، وحصلت خناقة وشوفت ناس كتير ماسكين في بعض، والنار بدأت الأول في مكان صغير وبعد كدا بقت كل شوية بتتنقل في حتة جديدة".

أول تعليق من محمد إمام على حريق لوكيشن تصوير مسلسل “الكينج”

كتب محمد إمام عبر حسابه الرسمي على منصة “فيسبوك”: “قدر الله وما شاء فعل والحمد لله على كل شيء، حريق كبير في لوكيشن تصوير مسلسل الكينج في ستوديو مصر، منطقة كاملة معمولة على أعلى مستوى، إنتاج ضخم من المنتج عبد الله أبوالفتوح.. وإبداع من مهندس الديكور تامر إسماعيل ومجهود كبير من أشطر المهندسين والعمال”.

وأضاف: “بس ربنا أراد اللي حصل، والحمد لله فوق كل دا إن الإصابات كانت خفيفة وكل فريق العمل بخير، شكر كبير لوزارة الداخلية وقوات الدفاع المدني على مجهودهم وسط الحريق الضخم وكميات خشب ومواد سريعة الاشتعال، وشكر خاص للمنتج محمد السيد وفريقه وحوش الإنتاج، اللي دخلوا جوه النار حرفيًا علشان يحاولوا ينقذوا أجهزة ومعدات وملابس.. ناس بتحب شغلها بجد وبتضحي بنفسها عشانه”.