بعد انتقاده لـ "الست"، ماجدة خير الله ترد على محمد صبحي

منى زكي في فيلم الست

فاطمة سليمان

A . .A

دافعت الناقدة ماجدة خير الله عن فيلم الست وعن بطلته الفنانة منى زكي، وذلك بعد انتقادات طالته من الفنان محمد صبحي.

دفاع ماجدة خير الله عن فيلم الست

وقالت ماجدة خير الله لـ “تليجراف مصر”: “محمد صبحي حر في رأيه، بس لو رأيه ده بناءً على إنه شاف الفيلم فهو رأي غير صائب بالنسبة لي، فيما يخص إنه قال مطلعين أم كلثوم بخيلة في الفيلم فده شئ غير صحيح”.

وتابعت: “فين البُخل اللي ظهر كان لازم يذكر الجزء اللي بان له إنها بخيلة، المشاهد اللي جه فيها كلام عن الفلوس علشان كانوا بيتفقوا معاها إنها تسجل اسطوانات وتاخد نسبة وهي في الوقت ده كانت مدركة إن أسهمها بتتصاعد”.

وأضافت: “ اللي عمل معاها التعاقد هيعمل من وراها 10 أضعاف الرقم اللي قالته، هي في الفيلم طلبت أكتر من اللي هو عارضه فهو رفض لكنها قالت له لو أنا بعت 2000 اسطوانة يبقى ليا كذا، ولما باعوا جابت أضعاف اللي كان متوقع.. هل ده يبين إنها بخيلة؟، واحد بيقدر قيمة نفسه وفاهم إن اللي قدامه بيستغله فهل هي كده بخيلة؟”.

كما ردت عليه بخصوص لومه على منى زكي بقبولها ذلك الدور، قائلة “بالعكس منى زكي عملت الدور ببراعة وكانت فرصة عمرها، ولو على المكياج فهو مكنش دقيق خصوصًا في مرحلة كبر السن”.

محمد صبحي ينتقد فيلم "الست"

ومساء أمس، أدلى الفنان محمد صبحى، بوجهة نظر مفاجئة عن فيلم “الست”، موجها عتابا لـ منى زكي، بعد تجسيدها قصة حياة كوكب الشرق أم كلثوم.

وقال محمد صبحى، خلال مداخلة هاتفية لبرنامج “حضرة المواطن”، عبر قناة “الحدث اليوم”: "أنا كممثل قد يعرض عليّ فيلم أو عمل فني عظيم ولكنه مخالف للحقيقة، وفي هذه الحالة أرفضه".

وأضاف الفنان الكبير: "أنا بلوم على تلميذتي منى زكى، اللى بفتخر بيها وبحبها، إنها تقع في مثل هذه الوقيعة، أنا اشتغلت وأنا في إعدادى ببيع تذاكر حفلات أم كلثوم كنت بشوف احترام الناس ليها".

مؤامرة لضرب الفن المصري

كما أشار محمد صبحي إلى أن "هناك مؤامرة كبيرة على مصر، غير المؤامرات اللى احنا عارفينها عن أعدائنا، لكن هناك مؤامرات لضرب الفن وكسر الريادة المصرية"، وأضاف "إحنا الأوائل ودا حقيقة تاريخية".

فجر السعيد: منى زكي تحدت نفسها في فيلم الست وأتعجب من الهجوم عليها

بعد الهجوم عليه، "الست" يواصل اعتلاء قمة إيرادات شباك التذاكر