"سنقاضيها بتهمة التشهير"، نجل المسن الصعيدي يدخل على خط أزمة فتاة المترو

سادت حالة من الجدل خلال الساعات الأخيرة بعد انتشار مقطع فيديو لمسن صعيدي ظهر خلاله منفعلًا على فتاة كانت تجلس أمامه في عربة بمترو الأنفاق واضعة ساقًا على أخرى.

واقعة الصعيدي المسن وفتاة المترو

انفعل المسن على الفتاة واعتبر هذه الحركة غير أخلاقية، حيث قال في الفيديو: “إزاي حاطة رجل على رجل في وشي؟”، بينما وصفت الفتاة تصرفه بالجنون: "دا شغل جنان والله أنا ماكلمتوش". 

تشهير وإيذاء

وعلمت "تليجراف مصر" من ابن المسن أنه سيقاضي فتاة المترو لقيامها بتصويره دون علمه، وأنه سيحرر محضرًا بالتشهير لما سببته من أذى نفسي وعصبي.

المسن الصعيدي يكشف تفاصيل الواقعة

وتواصلت “تليجراف مصر” مع المسن الذي كشف تفاصيل الواقعة، حيث قال: “أنا راجل كبير عندي 76 سنة وبتاع ربنا، وماعنديش شغل ولا أي حاجة وعايش حياتي كلها في السيدة زينب، أصلي ومش بعمل أكتر من كده”.

الفيديو لف العالم

وأضاف: “طلعت من حلوان وأنا رايح السيدة لقيتها قاعدة وحاطه الكوتشي في وشنا روحت كلمتها بالأدب وقلت لها يا بنتي نزلي رجلك عيب راحت مزعقة فيّا، وبعدها الفيديو لف العالم كله وراح فرنسا والكويت والسعودية وقرايبي كلهم كلموني قالوا لي عندك حق في اللي انت عملته”.

وتابع: “دي لو كانت راجل كنت دبحته، وبعدين السيدات ليهم عربية مخصوص في المترو ليه تتحشر في وسط الرجالة.. عيب.. فين القيم وفين الأخلاق؟”.

اقرأ أيضًا:

قرار جديد من جهات التحقيق بشأن المتهمين بصفع مسن السويس

أول تحرك برلماني بشأن واقعة التعدي على مسن السويس

اليوم، نظر استئناف النيابة على براءة المتهمين في قضية "مسن السويس"