"ايه اللي حشرها في عربية الرجالة؟"، المسن الصعيدي صاحب واقعة فتاة المترو يدافع عن موقفه

“الفيديو بقى ترند ووصل لفرنسا”، هكذا وصف المسن الصعيدي أزمته مع فتاة المترو بعد أن انتشر مقطع فيديو صورته له على نطاق واسع عبر مواقع التواصل الاجتماعي، على خلفية سجال لفظي بينهما حيث طلب منها عدم وضع ساق على أخرى، بينما رفضت الفتاة التدخل في خصوصياتها.

المسن الصعيدي يكشف تفاصيل الواقعة

تواصلت “تليجراف مصر” مع المسن الذي كشف تفاصيل الواقعة، حيث قال: “أنا راجل كبير عندي 76 سنة وبتاع ربنا، وماعنديش شغل ولا أي حاجة وعايش حياتي كلها في السيدة زينب، أصلي ومش بعمل أكتر من كده”.

الفيديو لف العالم

وأضاف: “طلعت من حلوان وأنا رايح السيدة لقيتها قاعدة وحاطه الكوتشي في وشنا روحت كلمتها بالأدب وقلت لها يا بنتي نزلي رجلك عيب راحت مزعقة فيّا، وبعدها الفيديو لف العالم كله وراح فرنسا والكويت والسعودية وقرايبي كلهم كلموني قالوا لي عندك حق في اللي انت عملته”.

وتابع: “دي لو كانت راجل كنت دبحته، وبعدين السيدات ليهم عربية مخصوص في المترو ليه تتحشر في وسط الرجالة.. عيب.. فين القيم وفين الأخلاق؟”.

اقرأ أيضًا:

قرار جديد من جهات التحقيق بشأن المتهمين بصفع مسن السويس

أول تحرك برلماني بشأن واقعة التعدي على مسن السويس