"المفتش كرومبو"، نجل المسن الصعيدي صاحب واقعة فتاة المترو مونولوجست شهير

المسن الصعيدي ونجله المونولوجست أحمد سعودي

A . .A

لا تزال واقعة المسن الصعيدي وفتاة المترو، تفصح عن مفاجآت جديدة، حيث تبيّن أن نجل المسن ممثل ومونولوجست يُدعى أحمد سعودي شارك بالعديد من الأدوار أبرزها تقديم الأداء الصوتي لشخصية “المفتش كرومبو”.

ابن المسن الصعيدي يكشف تفاصيل الواقعة

“تليجراف مصر” تواصلت مع الممثل الشاب أحمد سعودي، للتعليق على الفيديو الذي أثار الجدل مؤخرًا وظهر خلاله والده منتقدًا فتاة تضع ساقًا على الأخرى داخل إحدى عربات مترو الأنفاق.

وقال سعودي: “ردي على أي حد شايف إن البنت مش غلطانة، إنه شخص زيها مش محترم وقليل الأدب، أبويا راح قال لها بالأدب تنزل رِجلها، وهي اللي ردت على أبويا وقالت له إن دي حرية شخصية، لكن الحرية الشخصية دي في بيتهم مش في المترو”.

سأتخذ كل الإجراءات القانونية

وتابع: “البنت شتمت والدي وقالت له إنت جاي من تحت الجاموسة، لكن الكلام دا ماتصورش وماظهرش في الفيديو المتداول لأنها سجلت رد فعله فقط"، مؤكدًا: "سأتخذ كل الإجراءات القانونية ضد هذه الفتاة لو مفيش حد من أسرتها اتصل واعتذر لوالدي”.

المسن الصعيدي يكشف تفاصيل الواقعة

وفي وقت سابق اليوم، تواصلت “تليجراف مصر” مع المسن الذي كشف تفاصيل الواقعة، حيث قال: “أنا راجل كبير عندي 76 سنة وبتاع ربنا، وماعنديش شغل ولا أي حاجة وعايش حياتي كلها في السيدة زينب، أصلي ومش بعمل أكتر من كده”.

الفيديو لف العالم

وأضاف: “طلعت من حلوان وأنا رايح السيدة لقيتها قاعدة وحاطه الكوتشي في وشنا روحت كلمتها بالأدب وقلت لها يا بنتي نزلي رجلك عيب راحت مزعقة فيّا، وبعدها الفيديو لف العالم كله وراح فرنسا والكويت والسعودية وقرايبي كلهم كلموني قالوا لي عندك حق في اللي انت عملته”.

وتابع: “دي لو كانت راجل كنت دبحته، وبعدين السيدات ليهم عربية مخصوص في المترو ليه تتحشر في وسط الرجالة.. عيب.. فين القيم وفين الأخلاق؟”.

أول تحرك برلماني بشأن واقعة التعدي على مسن السويس