شاب يستغيث: "أبويا وأمي تخلوا عني ودار الأيتام طردني"

الشاب رجائي

أحمد عبد الباري

A . .A

استغاث شاب يدعى رجائي بالصف الثالث الثانوي ويبلغ من العمر 18 عاما، بالجهات المختصة والمعنية، وذلك بعد طرده من دار أيتام وتخلي والديه عنه بالإسكندرية.

شاب يستغيث بعد طرده من دار أيتام بالإسكندرية

وقال رجائي في مقطع فيديو عبر "فيسبوك": “أنا اسمي رجائي وأمي وأبويا منفصلين وكل حد فيهم عايش في بيته مع شريك حياته، ومحدش فيهم عايزني أعيش معاه واتخلوا عني من 9 سنين”.

وأكمل: “بعد ما أمي وأبويا تخلوا عني قررت أروح أعيش في دار أيتام وأشتغل وعشان أقعد أدرس وألقى رعاية وأكل كويسين، بدل ما أنام في الشارع ومعرفش أكمل دراستي”.

وأضاف: “بعد فترة كبيرة عشت فيها في الدار فوجئت بطردي في الشارع، وبقول إنه هيقفل، وإنهم هينقلوني دار تانية، وقالوا ليا أنت هتقعد مع المسنين عشان أنت محترم، ومينفعش تقعد مع الشباب”.

تفاصيل الاستغاثة

وأنهى حديثه: “فوجئت أنهم بيصحوني في يوم من الأيام وبيطردوني من الدار وبيطلوبوا مني إني أمضي على ورق انصراف عشان يخلوا مسؤوليتهم وميبقاش ليا الحق إني أعيش في الدار، ولما رفضت تعدوا عليا، رغم أني مش بطلب حاجة غير حقي، في إني أتعلم وأعيش وأكون إنسان كويس".

وفي تصريحات لـ"تليجراف مصر"، قال رجائي: “الدنيا جات عليا أوي، وحاليا معنديش أي بيت أقعد فيه، وقاعد في شقة إيجار في إسكندرية، لحد ما ربنا يكرمني وحد يقف جنبي”، لافتا إلى أنه لم يتم التواصل معه من قبل المسؤولين حتى الآن كما يزعم البعض.