هشموا سيارته، غدًا محاكمة المتهمين بالتعدي على سائق الفردوس

تنظر المحكمة المختصة، غدًا، أولى جلسات محاكمة المتهمين في واقعة التعدي على سائق ميكروباص داخل كمبوند الفردوس بمدينة 6 أكتوبر، وتأتي الجلسة ضمن التحقيقات الجارية لكشف ملابسات الواقعة وتحديد المسؤوليات القانونية للمتهمين.

تفاصيل مشاجرة الفردوس

وفي وقت سابق، كشف حسن يوسف، محامي المتهم، تفاصيل وكواليس جديدة بشأن التهم الموجهة لموكله وأبنائه.

وقال دفاع المتهم في تصريحات لـ"تليجراف مصر"، إن السائق حاول التعدي على موكله بـ“زلطة” فقام الأخير بتهشيم السيارة، لافتًا إلى أنه تم استبعاد زوجة المتهم من القضية.

وأكمل دفاع المتهم أن أبناء موكله لم يتعدوا على السائق وحضروا للاطمئنان على والدتهما، مشيرا إلى أن السائق طلب مليون جنيه تعويض رغم أن تلفيات السيارة لا تتخطى 80 ألف جنيه.

وأدلى المجني عليه بواقعة مشاجرة كمبوند الفردوس بأقواله أمام جهات التحقيق المختصة، كاشفًا تفاصيل الواقعة بداية من حادث الاصطدام بسيارته حتى الوصول لقسم الشرطة.
 

وحصلت "تليجراف مصر" على التحقيقات في القضية التي حملت رقم 1370 لسنة 2025 إداري ثالث 6 أكتوبر، حصر رقم 645 لسنة 2025.

وسأل رجال جهات التحقيق المجني عليه بواقعة مشاجرة كمبوند الفردوس عما حدث معه بالتفصيل، وأجاب: “اللي حصل إن أنا شغال على عربيتي شيفروليه فان بوصل مدرسة مش فاكر اسمها، بس يجيب الأطفال من كذا منطقة وكان آخر منطقة بنسبالي المفروض هروح أجيب منها الأطفال للمدرسة كانت هي الفردوس، وروحت فعلا وجبت الأطفال بتوع الفردوس فعلا جزء منهم وجزء كنت لسة بكمله”.

كواليس مشاجرة كمبوند الفردوس

وأضاف المجني عليه أقواله وقال: “وبعدين وأنا ماشي في شارع في الفردوس عند مدرسة الشهيد إيهاب مرسي كان في تقاطع، وأنا كنت ماشي في طريقي عادي عشان مكمل على طول في التقاطع، وأول لما طلعت العربية من الشارع لسة بعدي الطريق خلاص لقيت الست اللي هي معايا في المحضر جاية بسرعة وخبطتني بالعربية بتاعتها من وهي جاية على شمالي خبطت العربية عندي من الجنب من قدام”.

المجني عليه بمشاجرة الفردوس

وأضاف المجني عليه: “نزلت من العربية وهي نزلت لقيتها قعدت تزعق وشتمتني بس مش فاكر هي قالت إيه بس قولتلها أنا مش هتكلم معاكي، وفضلت واقف مستني نحل أو تشوف حد هييجي ولا إيه، لقيتها راحت مطلعة التليفون بتاعها وعملت مكالمة لقيت جوزها جالي ومعاه اثنين رجالة دول اللي شوفتهم جم بعدين”.

وأكمل حديثه: “الراجل الكبير جه وقالي إيه اللي حصل قلت له أنا ماشي في طريقي هي جاية بسرعة خبطتني من الجنب من قدام، راح قالي إزاي خبطتك قالي أنت غلطان قلت له أنا غلطان إزاي هي اللي خبطني من الجنب من قدام لما قلت له كده قعد يزعق ويشتم بس مش فاكر بالظبط قال لي إيه الألفاظ، بعد كدا في نص ما هو بيكلم لقيت واحد من عياله دخل قال لي هات الرخص والبطاقة بتاعتك قلت له أنا مش هديك حاجة أنا هديها للقسم مش هديهالك أنت، راح ماسك فيا وضربني وابنه الثاني معاه راح ضاربني برضو من ورا كده على دماغي”.

اقرأ أيضا:

المجني عليه في مشاجرة الفردوس: "العربية عليها أقساط ومش معايا أسددها" (فيديو)

المجني عليه في واقعة كمبوند الفردوس: "عايز كرامتي ترجع بالقانون"

المجني عليه في واقعة مشاجرة الفردوس: أريد حقي وكرامتي فقط