رغم غيابه 3 سنوات، أحمد رفعت: "ماحبتش أطلب شغل من حد"

الفنان أحمد رفعت

فاطمة سليمان

A . .A

بعد مرور 3 سنوات دون ترشيحه في أي عمل فني، كشف الفنان أحمد رفعت عن مدى إمكانية تواصله مع نقيب المهن التمثيلية، أشرف زكي، لطلب ترشيحه في أي أعمال فنية، لكسر حالة التجاهل التي يعيشها.

هل تواصل أحمد رفعت مع نقيب الممثليين بسبب أزمته؟

وقال أحمد رفعت لـ“تليجراف مصر”: “مش عيب إن حد يتكلم مع المسؤولين زي النقيب أشرف زكي، علشان شغل، بس أنا بالنسبالي ماحبتش أعمل كده”.

وتابع: “أنا حتى متواصلتش مع مخرجين، لأن الشغل اللي عملته قبل كده كسر الدنيا، ومعتقدش إن في حد حصل معاه زيي أنا قعدت 3 سنين من غير أي ترشيحات في أي أعمال فنية”.

أحمد رفعت يعاني من قلة الأعمال الفنية

ومساء أمس، تحدث أحمد رفعت تفاصيل بقائه في المنزل 3 سنوات دون ترشيحه في أعمال فنية، رغم اجتهاده في العمل والتزمه في المواعيد المحددة للتصوير.

وقال أحمد رفعت أثناء لقائه مع الإعلامية نهال طايل في برنامج “تفاصيل” المذاع على قناة “صدى البلد”: “البوست اللي كتبت فيه مشكلتي في قعدتي في البيت 3 سنوات، لقيت ناس كتير قالت عليّا كلام حلو، وده فضل كبير من ربنا، وما كنتش متخيل إنه يعمل الصدى ده، أنا من يوم ما بدأت شغل بحترم شغلي جدًا والناس اللي بتحبني في الشارع والأماكن العامة”.

وتابع: “أنا بصراحة عندي مشكلة وكان لازم أطلع أتكلم عليها و80% من الفنانين في مصر قاعدين في البيت، وكل اللي شغالين في الوقت الحالي هما نفس الأشخاص، وكل واحد فيهم بيشتغل أكتر من 5 أعمال، في حين إن ناس تانية قاعدة في البيت سنين من غير أي عمل”.

شكوى أحمد رفعت من قلة الأعمال الفنية

وفي مطلع ديسمبر الجاري، كتب أحمد رفعت عبر حسابه الرسمي بمنصة “فيسبوك”: “إني أكون ميت ده المبرر الوحيد أنه يتعمل 300 مسلسل خلال 3 سنين أنا مش فيهم وبلا أي ترشيح حتى مع أن شغلي كله والحمد لله شهد له القاصي والداني بالاحترام والاحترافية”.

قبل انطلاق التصوير، أيتن عامر تعتذر عن بطولة "حق ضايع"

رمز الوطنية والعروبة، المسلماني يعلن إعادة عرض مسلسل أم كلثوم على القناة الأولى