"شربت بسبب الضغوط"، نص التحقيقات مع البلوجر مداهم في قضية المخدرات (خاص)

كشف البلوجر المعروف باسم مداهم، تفاصيل تعاطيه للمواد المخدرة خلال تحقيقات النيابة، مؤكدًا أنه يتعاطى مخدرًا بشكل غير منتظم، مرجعًا ذلك إلى الضغوط التي يتعرض لها خلال الفترة الأخيرة.

أقوال البلوجر مداهم في قضية المخدرات 

وحصلت "تليجراف مصر"، على نص التحقيقات الكامل مع البلوجر مداهم، وتضمنت اعترافات تفصيلية حول مدة تعاطيه للمواد المخدرة، وأسبابه، وطريقة الحصول عليها، إلى جانب روايته الكاملة لظروف ضبطه من داخل شقته.

س: ما اسمك وسنك ومحل عملك؟

ج: اسمي محمد خالد، سني 29 سنة، وأعمل منشئ محتوى كوميدي على السوشيال ميديا – تيك توك –، ومالك مطعم 777 لاونج، واسم الشهرة مداهم 777.

س: ما تفصيلات إقرارك؟

ج: أنا بشرب نوع مخدر واحد بس ولكن مش كل يوم، بدأت أشرب من حوالي سنة ونص، وأنا أصلًا بشرب سجاير من وأنا عندي 21 سنة، وبدأت أشرب بسبب ضغوطات المعيشة، وبرضه مبشربش باستمرار ومبشربش مع حد، بشرب في بيتي بس، وأنا ساعات لما بروح شبرا الخيمة عشان أنا مولود ومتربي هناك ممكن أجيب كام حتة كده وأشربهم في البيت لوحدي، وآخر مرة شربت لما كنت في العين السخنة، شربت نص سجارة مش أكتر عشان السفر وكده.

س: منذ متى وأنت تتعاطى جوهر المخدر؟

ج: بقالي سنة ونص مش أكتر.

س: ما سبب تعاطيك جوهر المخدر دون غيره؟

ج: عشان هو أقل حاجة بتأثر على الواحد، وأخاف أدخل في حاجة تانية، خصوصًا إني بشوف الناس اللي بتشرب حاجات تانية بتبقى عاملة إزاي.

س: وما هي كيفية تعاطيك جوهر  المخدر؟

ج: أنا بشرب المخدر في سجاير، بيبقى ملفوف في سيجارة من ورق بفرة، وبيبقى معاه تبغ.

س: ومن أين تتحصل على جوهر المخدر؟

ج: لما بروح شبرا الخيمة في القليوبية، عشان أنا متربي هناك، بجيب من هناك وبروح أشرب في البيت.

س: ومن مَن تتحصل على جوهر المخدر؟

ج: لا، مفيش اسم معين، أنا بجيب من أي حد.

س: وما مدى وقوفك على بيانات بائعي تلك المواد المخدرة؟

ج: معرفش بياناتهم طبعًا، ومبيرضوش يقولوا لحد أساميهم، هم بيبقوا واقفين في الشارع.

س: وما هي الكمية التي تتعاطاها من جوهر المخدر؟

ج: سيجارة الحشيش الواحدة ممكن أشربها خلال 4 أيام أو أسبوع، وبشرب قبل ما أنام بس.

س: متى كانت المرة الأخيرة لتعاطيك جوهر  المخدر؟

ج: كان يوم الجمعة الموافق 2025/8/1 في العين السخنة.

س: وما هي الكمية التي قمت بتعاطيها آنذاك؟

ج: شربت نص سيجارة مش أكتر.

س: وما سبب تعاطيك جوهر المخدر؟

ج: عشان الضغوطات النفسية اللي مريت بيها من حوالي سنة ونص.

س: وما هي تلك الضغوطات النفسية؟

ج: شغل التيك توك واللايفات متعبة جدًا، وأنا عندي مطعم وضغط الشغل فيه متعب، ومشاكل عائلية عشان والدتي شبه قعيدة.

س: وأين تتعاطى المواد المخدرة على وجه التحديد؟

ج: أنا بشرب في البيت قبل ما أنام.

س: وما هي ظروف ضبطك وعرضك علينا؟

ج: اللي حصل إني كنت في بيتي في شيراتون، وصحيت من النوم يوم السبت 2025/8/2، وجرس الباب كان بيرن، فتحت لقيت مرات البواب بتقول لي إن في ناس غريبة كانوا بيسألوا عليك، وبعد كده لقيت ناس زقوا باب الشقة ودخلوا وقالولي اسكت، وقالوا إنهم مباحث المديرية، وسألتهم فين إذن النيابة قالولي هتعرف كل حاجة في القسم، وفتشوا الشقة وجابوا عليها واطيها، وخدوا الساعات بتاعتي، وبعدها دخلوا على الخزنة وطلعوا منها فلوس ومشغولات ذهبية، ولقوا 4 أو 5 سجاير ملفوفة حشيش، وحتة من المخدر صغيرة، وحتة أفيون صغيرة جدًا، وخدوا 5 تليفونات محمول، وخدوا الشنطة والفلوس والـDVR والعربية، وصوروني في البيت وفي القسم مع المضبوطات، وبعد كده اتحجزت واتعرضت على النيابة من غير ما أقدر أتواصل مع أهلي، والمحامي اللي حضر رفضوا يوصلوه بيا.

اقرأ ايضًا:

أرباح فيديوهات.. تجديد حبس البلوجر "مداهم” بقضية “غسيل الملايين”

أرباح المحتوى الخادش.. الداخلية تكشف غسل البلوجر مداهم 65 مليون جنيه