هيدي كرم: ما ينفعش راجل يقول أنا عايز ست تعرف قيمتي، إيه هي قيمتك؟

وجهت الفنانة هيدي كرم نصيحة للشباب والفتيات، المقبلين على الزواج، حول اختيار شريك الحياة المناسب والصفات التي ينبغي عدم التنازل عنها. 

ما هي نصيحة هيدي كرم  للمقبلين علي الأرتباط ؟

وقالت هيدي كرم، في فيديو نشرته عبر حسابها الرسمي على إنستجرام: "كل واحد فينا لما بيدور على شريك عايز يشاركه حياته سواء كان راجل أو ست بيبقى دايمًا بيدور على أحسن حاجة، يعني الست بتبقى عايزة راجل كريم وحنين وجدع ومعطاء ومخلص ولذيذ ودمه خفيف عميق، ومش تافه، رياضي والراجل، كذلك بيبقى عايز ست بنفس الصفات.. وطبعًا أكيد كل واحد حقه.

وتابعت: “بس قبل ما أدور على أفضل راجل أو ست.. لازم أنا كمان أكون أحسن نسخة من نفسي، وبالتالي لما أشتغل على نفسي وأوصل إني أنا أكون أحسن نسخة مني وأسعي دايماً إني أطور ساعتها من نفسي هجذب أحسن حد ولكن ميبقاش أنا قاعد عندي مشاكل وفيا العبر، وأقول أنا عايز حد ياخدني ويشيلني من على الأرض شيل”.

واختتمت حديثها قائلة: ماينفعش راجل يجي يقول أنا عايز ست تعرف قيمتي.. إيه هي قيمتك؟ هل أنتو فعلًا ليكم قيمة حقيقية؟ وقبل ما تدورو علي ست بمواصفات حلوة، اشتغلم على نفسكم الأول وطلع أحسن نسخة فيك"  

تفاصيل فيلم هيدي كرم الجديد

أنهت الفنانة هيدي كرم تصوير معظم مشاهدها في فيلم “عيلة دياب عالباب” مع الفنان محمد سعد، الذي من المقرر عرضه في عيد الفطر المقبل.

وقالت هيدي كرم، إنها انتهت من تصوير 70% من دورها في فيلم “عيلة دياب عالباب»”، موضحة أن العمل سيعرض في دور العرض بالسينمات بعيد الفطر المقبل.

وأوضحت أن صناع الفيلم سيتوقفون مؤقتًا عن تصوير العمل خلال الأيام المقبلة، مردفة أنهم سيستأنفون تصويره مرة أخرى في بداية العام الجديد 2026.

دور هيدي كرم في فيلم عيلة دياب عالباب

وتلعب هيدي كرم شخصية سيدة غنية تُدعى “ليلى” متزوجة من رجل أعمال ولديها “ولد وبنت”، مشيرة إلى أن دورها يبتعد عن الشر، قائلة بمزح: “الحمد لله الدور المرة دي طيبة جدًا، كفاية الشر اللي عملته قبل كده في أعمالي ويا رب الدور يعجب الجمهور”.

اقرأ أيضا

سيمون تحذر من مرافقة "النكديين"