"كفاية يا بتوع الريتش حالتها تصعب على الكافر"، شقيق شيرين يفتح النار

شن محمد عبد الوهاب، شقيق الفنانة شيرين عبد الوهاب هجوماً علي نقيب الممثلين الدكتور أشرف زكي ونقيب الموسيقىين مصطفى كامل.

 وكتب محمد عبد الوهاب منشور عبر صفحتة الشخصية فيسبوك قال فيه:" الأستاذ نقيب الموسيقيين والأستاذ نقيب الممثلين، هو ليه حضراتكم مبتظهروش في الصورة غير لما يكون فيه حاجة".

وتابع:"يعني ليه مش بتسألوا عليها في الأيام العادية طالما أمرها يهمكم أوي كده، خلاص وكفاية متاجرة ارحموها بقى".

 وأضاف:"السادة الصحفيين والمعدين والإعلاميين، محدش يكلمني أنا مش هعمل أي حوار أو أي مداخلة ولا أي شيء، أنتم بردو ناس كلكم عايزين ربتش وترند فقط، ليه محدش فيكم بيكتب لها والدنيا هادية كلام حلو بدون ما يكون فيه أزمة أو مشكلة كفاية بقى الله يخليكم، والله حالتها تصعب على الكافر ومحتاجة هدوء عشان تعرف تتعافى أخباركم وكلامكم والله بيأثر عليها".

 وأشار: "أنا اتكلمت باحترام وأدب.. وأنا والله بطولي بس بعون الله قد أي حد وبينا القانون، مفيش أي حد ليه الحق يطلع يتكلم أو يكتب عن شيرين حاجة، أيا كانت صفته، نقيب.. إعلامي ..صحفي .. شاعر .. ملحن أو موزع، الكلام للكل اللهم بلغت اللهم فاشهد".

تدهور الحالة الصحية لشيرين عبد الوهاب 

عادت الفنانة شيرين عبد الوهاب إلى الواجهة بعد تقارير حول حالتها الصحية ونقلها لمنزل الفنانة زينة للإقامة لديها.

وأوضحت مصادر لـ"تليجراف مصر"، أن شيرين لا تتواجد في منزل زينة أو شقيقتها ياسمين، ولم يتم نقلها في سيارة إسعاف كما تردد مؤخرًا، بينما كانت الفنانة زينة قد سافرت مع أولادها إلى دبي لقضاء إجازة نصف العام، ويلتحق بهم شقيقتها ياسمين لاحقًا.

اقرأ أيضا:

رفعت سقف التشويق، وفاء عامر: أدواري في رمضان مفاجأة (خاص)

هل تستعد منة فضالي للزواج؟.. ظهور مفاجئ بفستان أبيض

بعد تصدرها الترند، أول تعليق من منة فضالي على أنباء زواجها (خاص)