ميدو: منتخب حسن شحاتة استعان بـ مشايخ.. ولهذا كان يستبعدني

كشف أحمد حسام ميدو، نجم نادي الزمالك ومنتخب مصر السابق، كواليس مثيرة في بداية مسيرته مع كرة القدم، وعن بطولة كأس الأمم الأفريقية 2010.

تصريحات أحمد حسام ميدو

قال ميدو، عبر بودكاست “الأسطورة”: “بصراحة ما توقعتش صلاح يوصل للمرحلة اللي وصلها دلوقتي، هو طور من نفسه بشكل كبير، خاصة على مستوى العقلية، زمان كان سريع جدًا لكن عنده نواقص كبيرة، ولما جابه مدرب كولومبي عاش معاه في روما سنة، اتعلم منه كتير، النني وصلاح أمثلة ممتازة للشباب، ممكن أي حد بإمكانياته العادية يبقى لاعب كبير لو التزم وركز وعاش الكورة”.

وتابع: “الكورة في مصر ماشية بنفس النظام من أيام الخمسينات والستينات، لو جبتلك أي جورنال، هتلاقي نفس المشاكل، فإيه الفايدة من الهري؟ أنا متعلق بحاجة واحدة بس الزمالك، لو الزمالك طلبني، هخدمه في أي وقت، وده حقيقي”.

وأكمل نجم الزمالك السابق: “أنا كنت بشرب خمرة قبل كده، وبطّلت من سنتين، أنا ما بخبيش حاجة بعملها، حسيت بفارق كبير في صحتي ووقتي، كمان الصلاة مهمة جدًا، طول عمري ما قفلتش باب ربنا، ودلوقتي بروح أصلي الفجر في جامع عمرو بن العاص في مصر القديمة، وبستمتع بالهدوء والناس الطيبة هناك، ده خلاني متوازن نفسيًا وروحيًا، بعد كل اللي مرّيت بيه في حياتي”.

واسترسل: “في فترة حسن شحاتة، الجزم كانت بتتاخد مننا ويتقري عليها حاجات ويترش عليها مياه، كان الشيخ بيطلب لازم نلعب بأرقام معينة، مرة إدوني تشيرت حمادة صدقي رقم 5 لبست الفانلة مش داخلة فيا ورفضت، ولعبت برقم 9 وكابتن حسن كان بيتجنن مني من الحاجات دي، كانوا بيسحبوا الجزم قبل الماتشات بيوم وأي حد هيقولك كلام غير ده كداب”.

وختم ميدو: “الشيخ قال للجهاز في 2010 لازم تستبعدوا ميدو من بطولة أمم أفريقيا، واللي وصلي ده حد من الجهاز، الشيخ قال الراجل ده مش ماشية معاه، الأحسن إنه ما ميبقاش موجود في البطولة، ساعتها كنت بلعب في الزمالك وشايل الفريق على أكتافي”. 

اقرأ أيضًا:

نقاش ساخن.. مشادة النفق تشعل التساؤلات في أرسنال وأرتيتا يرد

تشكيل منتخب مصر المتوقع أمام نيجيريا في أمم أفريقيا