بشير التابعي يهاجم منتقدي أداء محمد صلاح مع المنتخب: "بلاش أوهام ده مستوانا الحقيقي"

شن نجم نادي الزمالك السابق، بشير التابعي، هجوما على منتقدي محمد صلاح، في ظل حالة الجدل الواسعة حول مستوى المنتخب المصري ونتائجه الأخيرة، وخروجه من نص نهائي أمم أفريقيا أمام السنغال.

كما انتهت مباراة مصر ونيجيريا، بالتعادل السلبي، في إطار مباراة تحديد المركز الثالث من بطولة كأس الأمم الأفريقية 2025، ونجح منتخب نيجيريا في حسم ركلات الترجيح لصالحه بنتيجة 4-2.

وقال التابعي لـ“تليجراف مصر”: “ليه الناس بتقطع في المنتخب؟ ده هو الأداء الحقيقي وده مستوانا الحالي، لكن المشكلة إن ناس كتير عايشة على أوهام، ومش بتبص على اللي حصل في السنين اللي فاتت ولا على حجم التراجع اللي وصلناله، إحنا واقفين مكانا، مش بنتقدم في الكورة، في وقت إن الكل سبقنا وتطور، وإحنا لسه في نفس النقطة”.

وأضاف:" وأنا مش بلوم الكابتن حسام حسن، لأنه بيتعامل مع واقع صعب ومستوى حقيقي للاعبين، الجيل الحالي، باستثناء محمد صلاح وعمر مرموش، يعد من أضعف الأجيال اللي مرت على تاريخ المنتخب، وده سوء حظ لحسام حسن".

هيكرهوا صلاح في المنتخب 

وأتم حديثه قائلًا:" وكفاية تحميل محمد صلاح كل حاجة، لأنه مش مطالب يشيل منتخب كامل لوحده، بالشكل ده ممكن نخليه يكره الوضع وما يجيش المنتخب تاني".

اقرأ أيضا:

صراع إفريقي وعالمي.. جدول مباريات اليوم الأحد والقنوات الناقلة

هل توجد قنوات مجانية تنقل مباراة المغرب والسنغال في أمم أفريقيا؟