المحكمة تبرئ المتهمين في قضية الطالبة سما بالهرم

المتهمون والطالبة المصابة

A . .A

قضت المحكمة المختصة، اليوم الأحد، ببراءة المتهمين بالتعدي على الطالبة سما بالمرحلة الإعدادية بالهرم، بعد الاستماع للمرافعات وفحص الأدلة والشهادات المتعلقة بالقضية.

وفي وقت سابق، قررت المحكمة المختصة، الحبس شهرين وكفالة 5 آلاف جنيه لإيقاف التنفيذ على المتهمين بالتعدي على الطالبة سما.

القبض على المتهمين

وكانت أجهزة الأمن ألقت القبض على المتهمين بنصب كمين لتلميذة والتعدي عليها أمام مدرسة بمنطقة الهرم، بعد نشر "تليجراف مصر" للواقعة .

ووقعت طالبة بالمرحلة الإعدادية تدعى "سما" ضحية اعتداء وحشي من قبل أسرة إحدى زميلاتها، على خلفية خلاف بسيط وقع بينهما في المدرسة.

والدة طالبة الهرم تروي التفاصيل

وقالت والدة الطالبة: "يوم التلات حصلت مشادة بين بنتي سما وزميلة ليها، البنت وقفت وسط صحابها وقالت على بنتي ساقطة، وهي مش كدا أصلًا، وده تسبب في شجار صغير، لكن بنتين من تالتة إعدادي تدخلوا وفضّوا الخناقة، والموضوع خلص وماخدش أي حجم".

وأضافت الأم في بث مباشر لـ"تليجراف مصر": "تاني يوم، رُحت أدي لبنتي المفاتيح عشان كانت ناسياها وأنا رايحة شغلي، وهي مدرستها مسائي، الساعة 4 ونص لقيت تليفونها بيرن، أنا متعودة تقولي (أنا مروحة)، لكن المرة دي قالتلي: الحقيني، وبعدها التليفون اتسحب منها، وواحدة ست كلمتني وقالتلي إن بنتي ضربت بناتها الخمسة وليها حق عندي".

سمعت صراخ بنتي في التليفون

وتابعت: "سمعت صوت بنتي وهي بتصرخ وبتتشتم، وعرفت إنهم مسكوا فيها، لكن ما تخيلتش الموضوع يكبر كده، قولتلها تديها التليفون ونقابل مديرة المدرسة، ولو ليها حق أنا هجيبهولها، لكنها قالت لبناتها سيبوها وقفلت السكة، اتحركت من شغلي في حدائق الأهرام، وبعدها صحاب سما كلموني قالولي: الحقي سما سايحة في دمها ومغمى عليها".

وأضافت: "بنتي مالهاش ذنب، إيه اللي عملته عشان يحصل فيها كده؟! دي بلطجة، الخمسة نزلوا عليها من غير رحمة، بنتي من يومها مش بتتكلم ولا بتاكل، وحالتها النفسية منهارة، وبتقول مش هروح المدرسة تاني".

والدة "طالبة الهرم": "بيهددوني بإيذاء بنتي إذا ما اتنازلتش"

بعد نشر "تليجراف مصر" للواقعة.. ضبط المتهمين بالاعتداء على الطفلة سما

محافظة الجيزة طالبة الهرم الطالبة سما التعدي على الطالبة سما طالبة الهرم سما

رابط مختصر