بعد وصوله لـ مليار مشاهدة.. ياسمينا العبد تحتفل بنجاح "ميد تيرم"

أعربت الفنانة ياسمينا العبد، عن سعادتها الكبيرة بالنجاح الذي حققه مسلسل “ميد تيرم”، وبتفاعل الجمهور معه بداية من الحلقة الأولى حتى انتهائه في منتصف يناير الجاري.

سعادة ياسمينا العبد بنجاح مسلسل ميد تيرم

ونشرت ياسمينا العبد، صورًا من كواليس المسلسل عبر “فيسبوك” معلقة عليها: “أنا كنت متأخرة في البوست ده لأني حقيقي مش عارفة أعبّر عن مشاعري بعد نهاية المسلسل، مش عارفة أقول إيه ولا أشكركم إزاي”.

وتابعت: “المسلسل ده أقرب حاجة عملتها لقلبي، أنا بجد مش قادرة أوصف التعب والمجهود اللي اتبذل من أكبر شخص لأصغر شخص، اللي ورا الكاميرا قبل اللي قدام الكاميرا بس الحقيقة إن كل شخص اشتغل في المشروع ده كان جزء أساسي من نجاحه”.

وأضافت: “وإحنا بنقرأ وبنحضّر عمرنا ما كنا نتخيل إننا نوصل للتوب 1 على شاهد وWatch It، ولا إننا نوصل لمليار مشاهدة، يعني إيه الرقم ده أصلًا، كنت خايفة جدًا وأنا بشتغل على المشروع ده لأني ما كنتش عارفة هل هكون قد التحدي ولا لأ”.

واستكملت: “لولا الأستاذة مريم الباجوري، واحدة من أهم المخرجين دلوقتي، ما كانش هيبقى فيه مسلسل أصلًا، بشكرك على ثقتك فيّ وثقتك في الشباب، وبنشكرك على العظمة اللي أنت فيها، أنا فخورة إني كنت جزء من أول عمل درامي ليكي”.

واختتمت: “كل النجوم اللي كان ليا الشرف إني أشتغل معاهم، شكرًا على شغلكم اللي فوق العظمة، إنتوا كسّرتوا الدنيا، عمري ما اشتغلت مع ناس مليانة بالشغف بالشكل ده والكيميا اللي كانت بينا كانت توفيق كبير من ربنا، أنتم عيلة حقيقية بجد”. 

قصة مسلسل ميد تيرم

يرصد مسلسل "ميد تيرم" الحياة الجامعية من منظور اجتماعي تشويقي، مع التركيز على مجموعة من الطلاب المصريين والعرب في إحدى الجامعات المصرية.

ويستعرض المسلسل التحديات الأكاديمية والنفسية والاجتماعية، مثل ضغوط الدراسة، التقلبات العاطفية، الصراعات الشخصية، ورحلة البحث عن الذات وتحقيق الطموحات في ظل الواقع المعاصر.

أبطال مسلسل ميد تيرم

ويضم المسلسل عدد كبير من النجوم الشبابية، منهم: ياسمينا العبد، ويوسف رأفت، وجلا هشام، وزياد ظاظا، ودنيا وائل، إلى جانب عدد من مواهب برنامج الكاستنج مثل أمنية باهي، وإسلام خالد، ومريم كرم، وميشيل مساك، وسيف محسن، فضلاً عن مشاركة نخبة من النجوم الكبار مثل هاني عادل، وأحمد عزمي، وعمرو صالح، والمسلسل من تأليف محمد صادق، ومن إخراج مريم الباجوري.

اقرأ أيضًا:

بعد نجاحه اللافت، موعد عرض الحلقة الأخيرة من مسلسل "ميد تيرم"

يعرض حاليًا، أحمد عزمي يحتفي بانضمامه لمسلسل ميد تيرم

بطولة ياسمينا العبد، مواعيد عرض مسلسل ميد تيرم وعدد حلقاته