برنامج "العرافة" يهدي الموسم الجديد لروح المخرج إيهاب أبوزيد

حرص فريق عمل برنامج “العرافة”، على إهداء الموسم الجديد الذي يعرض خلال المارثون الرمضاني 2024، لروح المخرج الراحل إيهاب أبوزيد، رئيس شبكة قنوات “النهار”، والذي تولى إخراج البرنامج النسخة الماضية 2023.
 

بوسي ضيفة أولى حلقات العرافة

وقالت بوسي، خلال استضافتها في برنامج “العرافة” على قناة "المحور"، "هشام ربيع راجل محترم، ولما اتجوزنا كان مطلق، أنا متجوزش راجل متجوز، وهو مش طلق مراته علشان يتجوزني، وطليقته كانت عايزه ترجعله وقالت علشان أربي عيالي، وأنا رضيت ترجع علشان عندي عيل، وعلشان هشام قالي أقفي جنبي في محنتي".

أضافت، “اتحبس هشام علشان يحميني من عصابة كانت مدمرة حياتي وبتستنزفني، 10 سنين بياخدوا فلوسي وبس، والناس دي هما طليقي واخواته، دول عالم نصابين واتهمونا إننا سرقنا شيكات، لكن دا محصلش”، على حد قولها.

وبشأن انتقادات طرحها أغان خلال فترة سجن هشام ربيع قبل طلاقهما، قالت، "ربنا وحده يعلم أنا عملت إيه لهشام وهو في السجن، وربنا يسامح الناس بلغوا كلام عني غلط، وفي ناس كتير بتكره وجودنا سوا، هو عارف أني عمري ما أسيب جوزي في ظروف صعبة، أما موضوع إني بنزل أغاني وجوزي محبوس، فأنا لازم أنزّل عشان أكل عيشي، وعقود شغل".

بسمة وهبة تشارك جمهورها الإعلان التشويقي

يذكر أن الإعلامية بسمة وهبة شاركت الإعلان الدعائي للبرنامج عبر حسابها الشخصي بموقع تبادل الصور والفيديوهات الشهير "إنستجرام" وعلقت "اصحي لينا عشان حضرنا، إحنا لينا مفيش مقارنة، بعد ما حطمت الأرقام في رمضان اللي فات وحققت ملايين المشاهدات، في (العرافة) رجعت من جديد في موسم ضرب نار، مع (شيخ العرافين) الجبار في رمضان 2024، قناة المحور وقناة النهار".